I-Biribi 1:30 - Te B'aib'ara

³⁰ Kam a rin ngkai n te buaka ae ti te bo ma are kam a tia n norai iai ngkoa, ao n aron ae kam ongo iai ngkai b'a ae I mena naba i nanona.

I-Biribi 1:30 Iomraidhean Croise

Ioane 16:33

I atongi baikai nakoimi b'a e aonga n reke iroumi te rau ngkana kam reitaki ma Ngai. Ami b'ai i aon te aba te rawawata; ma kam na ninikoria, b'a I a tia ni kataea ana kai te aba.”

I-Biribi 1:13

Ma ngaia ae e ataaki bukini kabaeakiu irouia tautia ni kabane n te Beritoriam, ma aomata nako, b'a I kabureaki i bukini Kristo.

I-Korote 1:29

ao anne bukin ae I kekeiaki m'aaka naba ni m'akuri, ao I kamanena te korakora ae bati are E anganai Kristo, ao ae e m'am'akuri i nanou.

I-Korote 2:1

B'a I tangiringkami b'a kam na ata arou ni kakorakoraai ni m'akuri i bukimi, i bukiia ake i Raorikeia, ao i bukiia naba aika m'aiti aika tuai n nora matau.

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

1.Timoteo 6:12

Ko na kekeiaki m'aaka n te kabo birim'aaka ae b'ain te onimaki, ao karekea te maiu are aki toki b'a kaniwangam; b'a ngaia aei te maiu are E weteiko nako iai te Atua ngke ko moa ni kaota iai am onimaki i mataia taani kakoaua aika bati.

2.Timoteo 4:7

I a tia n rangi ni kekeiaki m'aaka, n te kekeiaki m'aaka ae e raoiroi; I a tia ni kabo biri m'aaka, ao I a tia n teimatoa i nanon te onimaki.

Ebera 12:1

Ma ngaia ae ngaira, ngkai iai taani kakoaua aika rangi ni bati aika otab'aninira, ao ti na kaki b'aai nako aika katinebuira, ma te bure ae nimnimtira, ao ti na biri ma te nanokorakora n te kabobirim'aka ae kamenaki i m'aira;

Ebera 12:4

B'a n ami buaka are kam kaitaraa iai ma te bure, ao akea i roumi ae e mate.

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.