I-Biribi 1:20 - Te B'aib'ara

²⁰ n ai aron nanou ae korakora ma au kaantaninga b'a N na aki mamaa n te b'ai teuana, ma N na rangi n ninikoria n taetae n ai aron aroarou n taai nako ao ngkai naba, ni kaota neboakini Kristo n rab'atau, tao ni maiu ke ni mateu.

I-Biribi 1:20 Iomraidhean Croise

Taian Areru 119:116

Anganai korakorau n ai aron am taeka, b'a I aonga ni maiu; Tai kab'ara nanou man au kaantaninga!

Taian Areru 119:80

E bia moan te kororaoi ongeabau nakon am Tua, B'a I aonga n aki mamaa.

Taian Areru 25:2

Atuau, I onimakiniko; Buokai b'a N na aki mamaa ni konakiu; Tukiia aiau b'a a na aki b'ainingareai.

Taian Areru 62:5

Ti te Atua mwiokoni maiu, Ao e tiku au kaantaninga i rouna.

Taeka n Rabakau 10:28

Ngkana kam ongotaeka iroun te UEA, ao kam na kukurei, ma bon akea kanoan aia bong aika a na roko aomata aika a buakaka.

Taeka n Rabakau 23:18

Ao ane e na reke iroumi te kaantaninga ni koaua i bukin boong aika a na roko.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 50:7

Ma e kaawakinai te UEA ae te Atua ma te kamaamaaeaki, ma ngaia are, e aki b'ara nanou, b'a I ataia b'a E na bon aki kab'akaai te Atua.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Ioane 21:19

E atonga aei Iesu b'a E na kaota aroni mateni Betero, are e na neboa te Atua iai. Ngke E a tia n atonga aei, ao E taku nakoni Betero, “Ko na irai!”

M'akuri 20:24

Ma I kakeaa kakawakini maiu nako iu, b'a I aonga ni katia te baere I waaki iai, ma nakoau are E anganai te UEA are Iesu, are te tataekina te euangkerio are taekan ana akoi te Atua.

M'akuri 21:13

E taku ngkanne B'auro nakoia, “Tera ae kam karaoia ngkai kam katumaua te tang, ma n urua nanou? B'a I a tauraoi nakon tiaki ti te kabaeaki, ma nakon naba te mate i Ierutarem i bukin aran te UEA are Iesu.”

M'akuri 4:31

Ngke a tia n tataro ni bubuti, ao e m'aeiei te tabo are a botaki iai; ao a bane ni kaonaki n te Tamnei are Raoiroi, ao a tataekina ana taeka te Atua ma te ninikoria.

I-Rom 12:1

Ma ngaia aei, taari, i bukin aron te Atua n nanoanga ae bati, ao I bubutingkami b'a kam na angan te Atua rab'atami b'a te karea ae maiu ae itiaki, ae E na kukurei iai; b'a aei aromi ae riai ae E kaantaningaia te Atua b'a kam na anganna.

I-Rom 5:5

ao te kaantaninga e aki kamaamaea te aba, i bukina b'a e a tia ana tangira te Atua n nurakinaki nako nanora iroun te Tamnei are Raoiroi, are ti a tia n anganaki.

I-Rom 6:13

ao tai angan te bure b'ain rab'atami, b'a a na kabonganaki i bukini kaantaninga aika buakaka; ma kam na anga ngkami nakon te Atua b'a ai aroia aika maiu mai buakoia maate, ao b'ain rab'atami b'a a na kabonganaki i bukini karaoan te eti.

I-Rom 6:19

I taetae n ai aroia aomata i bukini mamaran ami atatai; b'a aromi ngke kam anga b'ain rab'atami ngkoa b'a kaanga ana toro te kammaira ma te akiako n akea tuaami iai, ao ai aromi naba ngkai, b'a kam na anga b'ain rab'atami b'a tooro i bukini karaoan te eti, b'a kam aonga n riki b'a ana aomata ni koaua iai te Atua.

I-Rom 8:19

B'a b'aai ni kabane aika karikaki a tiku ma te ingainga ni kakantaninga te Atua are E na kaotia b'a antai aika bon natina.

I-Rom 9:33

n ai aron are koreaki ni kaangai: “Noria, I kawenea i Tion te atibu ae a na reke waeia iai aomata, ao a na b'aka; ao ane onimakinna ao e na aki kamaamaeaki.”

1.I-Korinto 15:31

Taari, I kaitara ma te mate n te bong ae koraki! I riki n taekina aei i bukin nanou ni kamoamoa i bukimi i nanoni Kristo Iesu are ara UEA.

1.I-Korinto 6:20

B'a kam kaboaki, ao e a tia ni b'aka boomi; kam na neboa te Atua n rab'atami.

1.I-Korinto 7:34

ma ngaia ae e bwenaua nanona. Ao te aine ae aki mareaki, ke te ateiaine, e iangoa ana m'akuri te UEA, i bukina b'a e kan anga rab'atana ma tamneina i bukin te Atua. Ma te aine ae mareaki e iangoi b'ain te aonnaba aei i bukina b'a e kani kakukureia buuna.

2.I-Korinto 10:8

B'a e boni ngae ngkana tao I kabatia kamoamoau i bukini m'akara are anganira te UEA i bukini kateimatoami ma tiaki i bukini kab'akami, ao I bon aki mamaa;

2.I-Korinto 3:12

Ma ngaia ae ngkai iai i rouia te kaantaninga aei, ao ti rangi n ninikoria,

2.I-Korinto 4:10

ao ti uouota n taai nako maten Iesu i aon rab'atara, b'a e aonga ni kaotaki naba maiun Iesu i aon rab'atara.

2.I-Korinto 5:15

ao E mate i bukiia ni kabaneia, b'a a aonga n aki manga kabane maiuia akana maiu, bon i bukiia; ma a na kabane maiuia i bukin Teuare mate i bukiia, ao are E a manga uti naba i bukiia.

2.I-Korinto 7:14

B'a ngke I kamoamoaingkami nakon Tito n te b'ai teuana, ao I aki mamaa; ma ngkai a koaua b'aai ni kabane ake ti taekin nako imi, ao ai aron naba ara taeka are ti kamoamoaingkami iai nakon Tito, b'a e ataaki b'a e boni koaua.

2.I-Korinto 7:4

I rangi n onimakiningkami, ao I rangi ni kamoamoa i roumi; e rangi n rau nanou, ao moan te bati kakatongau i buakon rawawatara ni bane.

I-Biribi 1:14

Ao e riki kabaeakiu b'a kakorakoraan aia kaantaninga m'aitiia taari n aroia n reitaki ma te UEA, ao a rikirake n rangi n ninikoria n taekina ana taeka te Atua.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

1.I-Tetaronike 5:23

Ao Atuan te raoiroi E na karaoingkami b'a kam na riki n ai arona n aromi nako; ao a na kawakinaki tamneimi, ma maiumi, ma rab'atami, b'a a na aki konaki ni kabuakakaki i matan ara Uea are Iesu Kristo.

1.Betero 4:16

Ma ngkana e maraki temanna ngkai te Kristian, ao e na aki mamaa, ma e na neboa te Atua ngkai e ingoana arani Kristo.

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.