Iotua 9:9 - Te B'aib'ara

⁹ Ao a karakina aia rongorongo ae kaangai, “Ti bon roko man te aba ae raroa kinokino, b'a ti a tia n ongo taekan te UEA ae Atuami ma baike e karaoi ni kabane i Aikubita,

Iotua 9:9 Iomraidhean Croise

1.Uea 8:41

Ao i bukin te iabatera ae tiaki raoia kaain am botannaomata ae Iteraera ae e roko ni maeka n te aba i bukin aram,

Neemia 9:5

Ao i mwiina, ao a taku kanoan Rewi, Ietua, Katemiera, Bani, Atiabeneia, Oria, Tebania, ao Betaia: “Teirake ao takaarua n nebonebo nakon te UEA, te Atua ae akea tokina! Neboa arana ae e kamimii, e korakora riki nakon ae e konaa ni kab'arab'araaki n te taeka.”

Taian Areru 148:13

A na bane ni kamoamoa aran te UEA! E kakannato arana i aon aara nako; E m'aaka i aonnaba ma karawa.

Taian Areru 72:19

Kamoamoa n aki toki arana ae mimitong! E bia buta aonnaba ni mimitongina. Amen! Amen!

Taian Areru 78:12

E karaoi kakai i mataia aia bakatibu n te tabo ae e aoraoi i Toan n te aba are Aikubita.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Te Otinako 15:14

A tia n ongo botannaomata, ao a ruru ni maaku; ao a rootaki kaain Biritia n te maaku.

Te Otinako 9:16

N na kamaiungkami i bukin kaotan m'aakau nako imi b'a e aonga ni buta nako taekau ni kabutaa te aonnaba.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 66:19

man kakoauaan te b'ai ae I konaa ni karaoia. N na karokoia taiani nikira ni maiu mai Taretiti, Bura, Ruuta, Meteka, Tubara, Iawan, ni karokoa abam'akoro ake a raroa nako. N na kanakoia b'a a na katanoataa mimitongiu ae e kamimii nakoia botannaomata nako aika a tuai man ongongo taekau.

Warekaia Iteraera 14:15

B'a ngkana Ko tiringiira, ao ane a na ongo kaain Aikubita, ao a na tuangiia kaain Kanaan.

Warekaia Iteraera 20:14

Ao e kanakoa ana tia uarongorongo Moote man aia tabo are a katei maeka iai i rarikin Kateti, ma ana rongorongo nakon uean Etom. Ao a kaangai, “Bon Iteraera ngaira aika bon ami koraki ni koaua. Ao ti kakoaua b'a ko a bon tia n ongo rongorongon b'aai aika buakaka ake a riki nako ira.

M'akuri 8:7

B'a a oti nako anti aika kam'araa mairouia aomata aika bati ake a taniaki i rouia, ao a takarua irouia aomata aikai n te b'anaa ae korakora; ao a kamaiuaki aomata aika bati, aika a mate b'ain rab'ataia, ma aika m'auku.

Iotua 9:10

ao arona naba nakoia uean Amora ake uoman i mainikun te Ioretan: Oka are uean Batian, are e maeka i Atitarota, ao Taion are uean Etibon.

Iotua 9:16

Tenibong i mwiin karaoan te boraraoi, a tib'a ataia Iteraera b'a aomata aikai a bon maeka n uakaan ma ngaia ni kaawa aika Kibeon, Kebira, Beerota, ao Kiriata-iearim.

Iotua 9:17

Ma ngaia are a waakinako Iteraera ao i mwiin tenibong ao a roko ni kaawa aika; Kibeon, Kebira, Beerota, ao Kireata-ierim ake a maeka iai te koraki akekei.

Iotua 9:24

Ao a kaeka aomatan Kibeon ao a kaangai, “E tuanga Ana toro are Moote te UEA ae Atuami b'a kam na tiringiia aomata ni kabane aika a maeka ikai, ao kam na anaa naba abaia b'a abami. Ti maaku b'a kam na tiringiira naba ma ngaia are ti a m'am'anaai ngkami i bukin karekean te boraraoi n raoi ma ngaira.