Iotua 9:8 - Te B'aib'ara

⁸ Ao a kaangai uakekei nakon Iotua, “Taekara ane i nanon baim.” E titirakiniia Iotua ni kaangai, “Antai ngkami ao kam nako mai ia?”

Iotua 9:8 Iomraidhean Croise

2.Uea 10:5

Ao mataniwin te bareti, ma mataniwiin te kaawa, ai uana naba ma taani kairiiri nako, ao ake a teetei i bukin Aaba, a kanakoa aia rongorongo nakon Ieu ae e kaangai, “Teuae ko karineaki, bon am toro ngaira. Ao ti na karaoi b'aai ni kabane aika ko tuangiira. Ma bon tiaki ara b'ai te rinea temanna b'a e na uea. Ko a boni karaoa ane ko taku b'a te kabanea n tamaroa.”

Iotua 10:6

A kanakoa aia taeka aomatan Kibeon nakon Iotua ngke e kaemb'a i Kirekara ao e kaangai, “Tai kitaniira, taiaoka kawaekoa n nakomai ni kamaiura, b'a a kabooi nanoia uean Amoraite ake aaba akea tabukibuki ni buakaniira.”

Iotua 9:11

A tuangiira ara taan kairiri ma aomatan abara b'a ti na uoti ara tianaki aika a tau i bukin te m'ananga, b'a ti na butim'aai ngkami. A tuangiira naba b'a ti na tuangkami b'a e mena taekara i nanon baimi, ao ti na bubuti ngkami b'a kam na karaoa te boraraoi n raoi i marenara ma ngkami.

Iotua 9:23

Ao i bukin ami m'akuri aei ngkai ao E karekekaimi te Atua b'a kam na riki b'a ara toro. Kam na riki b'a ara taan koroaia, ao ara taan uraki ran i bukin um'an te UEA.”

Iotua 9:25

Ao ti kariaia ane kam taku; b'a taekara ane i nanon baimi.”

Iotua 9:27

Ma e bon karikiia naba b'a aia toro, b'a taan koroaia, ao taan uraki ran i bukiia Iteraera ao i bukin baonikarean te UEA. Ao e a riki b'a aia taan m'akuri I-Kibeon ni karokoa boong aikai, n taabo ike E rineia te UEA b'a e na taromauriaki iai.