Iotua 9:4 - Te B'aib'ara

⁴ Ma ngaia are a iangoa te iango ni kam'ane teuana ao a kanakoia m'aane ni bakaaea te uarongorongo man te tabo ae raroa kinokino. A katokai baeki aika a mangaingai i aon aia aati ma kunniman aika nnen te wain aika a b'ai ni kawai.

Iotua 9:4 Iomraidhean Croise

Karikani B'aai 34:13

Ao a kaeka natin Iakob'a ake mm'aane nakon Tekem ma tamana are Amora n te aro ni m'am'anaai ke ni kewe, i bukina ngke e kab'ainranga Nei Rina are m'aneia teuare Tekem.

Taian Areru 119:83

I a riki b'a kanga ai aroni nen te wain ae e a mangaingai ae akea bonganana; Ma I bon aki m'anuoki am Tua.

Mataio 10:16

Noria, I kanakoingkami b'a kaanga tiibu i buakoia kameaanti; ma ngaia are kam na wanawana n ai aroia naeta, ao kam na nimamannei n ai aroia taobe.

Mataio 9:17

Ai aron naba te wain ae boou, b'a e aki atoaki nakoni nneia aika kunin te man, aika b'aai nikawai; b'a ngkana e atoaki nako iai, ao a na tabwena kuun ao e na waanako te wain, ao a uruaki nena; ma e atoaki te wain nakoni nena aika kunin te man, aika kuun aika boou: ao n te aro aei, e a kawakinaki raoi iai te wain ao a aki uruaki nena.”

Mareko 2:22

Ao akea ae atoa te wain ae boou nako nanoni nne ni wain aika kuun aika b'ai nikawai aika kuniia maan, b'a ngkana e atoia ao te wain e na urui nne akanne; e na waanako te wain, ao a na uruaki nena: b'a te wain ae boou e riai n atoaki nako nanoni nena aika kuun aika boou aika kuniia maan.”

Ruka 16:8

Ao te mataniwi, e kamoamoa te manatia are e aki b'aina te eti i bukin iangoraoina; b'a a wanawana riki natin te aonnaba aei n aroia n reitaki ma aia roro nakoia natin te oota.

Iotua 9:12

Ngke ti moan anai ara berena aikai ao a kabuebue b'a a tib'a m'ai; ao nooria ngkai a m'au ao a bwebwee.

Iotua 9:13

Ngke ti moan kanoai nnen ara wain aikai ao a rangi ni boou; ao nooria ngkai! A mangaingai ara kauniwae. A raeraeaki kunnikaira ma ara kauniwae b'a mwiin te m'ananga ae ab'ab'aki.

Iotua 9:3

Ma a tia n ongo aomatan Kibeon, ake Iwaite rongorongon te b'ai are e karaoia Iotua nakon Ieriko ma Ai.

Iotua 9:5

Ao a karin i aoia kunnikai ma aia kauniwae aika a mangaingai, ao a uoti kanaia taian kariki aika a bwebwee ma ni matoatoa.