Iotua 9:24 - Te B'aib'ara

²⁴ Ao a kaeka aomatan Kibeon ao a kaangai, “E tuanga Ana toro are Moote te UEA ae Atuami b'a kam na tiringiia aomata ni kabane aika a maeka ikai, ao kam na anaa naba abaia b'a abami. Ti maaku b'a kam na tiringiira naba ma ngaia are ti a m'am'anaai ngkami i bukin karekean te boraraoi n raoi ma ngaira.

Iotua 9:24 Iomraidhean Croise

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Iotua 10:2

Ao a rootaki n te maaku ae korakora aomatan Ierutarem i bukina ngke e buubura te kaawa are Kibeon b'a e iorooro buburana ma kaawa ake iai ueaia; e buubura riki nakon Ai ao a rangi n rabakau ni buaka m'aanena ni kabane.

Iotua 2:11

Ao ti rootaki n te maaku n te tai are ti ongo iai baikai; ti maakui ngkami. E bon tautaeka te UEA ae Atuami i eta i karawa, ao i nano i aon te aba.

Iotua 2:9

ao e taku nakoia, “I ataia b'a e a tia n anganingkami te UEA te aba aei. A bane ni maakui ngkami kaain te aba aei.

Iotua 6:21

A tiringiia kaain te kaawa ni kabane, aika m'aane ma aine, ao ataei ma kaara. A tiringiia naba maan ni kabane, aika kaao, tiibu ma taian aati n aia kabaang.

Iotua 9:9

Ao a karakina aia rongorongo ae kaangai, “Ti bon roko man te aba ae raroa kinokino, b'a ti a tia n ongo taekan te UEA ae Atuami ma baike e karaoi ni kabane i Aikubita,