Iotua 9:13 - Te B'aib'ara

¹³ Ngke ti moan kanoai nnen ara wain aikai ao a rangi ni boou; ao nooria ngkai! A mangaingai ara kauniwae. A raeraeaki kunnikaira ma ara kauniwae b'a mwiin te m'ananga ae ab'ab'aki.

Iotua 9:13 Iomraidhean Croise

Mataio 9:17

Ai aron naba te wain ae boou, b'a e aki atoaki nakoni nneia aika kunin te man, aika b'aai nikawai; b'a ngkana e atoaki nako iai, ao a na tabwena kuun ao e na waanako te wain, ao a uruaki nena; ma e atoaki te wain nakoni nena aika kunin te man, aika kuun aika boou: ao n te aro aei, e a kawakinaki raoi iai te wain ao a aki uruaki nena.”

Mareko 2:22

Ao akea ae atoa te wain ae boou nako nanoni nne ni wain aika kuun aika b'ai nikawai aika kuniia maan, b'a ngkana e atoia ao te wain e na urui nne akanne; e na waanako te wain, ao a na uruaki nena: b'a te wain ae boou e riai n atoaki nako nanoni nena aika kuun aika boou aika kuniia maan.”

Ruka 5:37

Ao akea ae atoa te wain ae boou nako nanoni neia aika kuniia maan aika b'ai nikawai; ngkana e atoia, ao te wain ae boou e na uru nneia ao e na b'aro, ao a na uruaki nneia.

Iotua 9:12

Ngke ti moan anai ara berena aikai ao a kabuebue b'a a tib'a m'ai; ao nooria ngkai a m'au ao a bwebwee.

Iotua 9:14

Ao a katoonga nikiran kanaia taan roko m'aanen Iteraera, b'a kanikinaean kariaiakan te bubuti i bukin te boraraoi n raoi, ma aki kakaea moa nanon te UEA i bukin te boraraoi anne

Iotua 9:4

Ma ngaia are a iangoa te iango ni kam'ane teuana ao a kanakoia m'aane ni bakaaea te uarongorongo man te tabo ae raroa kinokino. A katokai baeki aika a mangaingai i aon aia aati ma kunniman aika nnen te wain aika a b'ai ni kawai.

Iotua 9:5

Ao a karin i aoia kunnikai ma aia kauniwae aika a mangaingai, ao a uoti kanaia taian kariki aika a bwebwee ma ni matoatoa.