Iotua 9:1 - Te B'aib'ara

¹ Ao e tanoata rongorongon totokanikaia aomatan Iteraera nakoia uean maeaon te Ioretan ake uean Eta, ma uean Amoraite, ma uean Kanaan, ma uean Beritaite, ma uean Iwaite, ao uean Iebuti-ake n aaba ake i aon taian tabuki, ma aaba ake a rinano, ma ake a boraoi i mataniwiin taari are te Mereterenian ni bo nako iaang ni karokoa Reb'anon.

Iotua 9:1 Iomraidhean Croise

2.Tamuera 24:7

Ao a roko n nonon Turo, ao a manga ri nanon aia kaawa nako kanoan Iwa ao kanoan Kanaan. Ao kabaneana, a nako Beerateb'a are n Rereuan i Iuta mai maiaki.

Te Otinako 23:23

E na kairingkami au anera nakon abaia kaain Amora, Eta, Berita, Kanaan, Iwa ao Iebuti, ao N na kamaunaiia nako.

Te Otinako 23:31

N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 34:11

N na kairoroia ni kanakoia kaain Amora, kaain Kanaan, kaain Eta, kaain Beriti, kaain Iwa, ao kaain Iebuti, ao kam riai ni karaoa te b'ai ae I mwiokoingkami iai n te bong aei.

Warekaia Iteraera 13:29

Ao i rarikin anne, a maeka kanoan Amareka n te Rereua are i Maiaki, ao a maeka kaain Eta, kaain Iebuti, ao kaain Amora n aaba ake a tabukibuki, ao a maeka kaain Kanaan i mataniwiin Taari are te Mereterenian, ao mataniwiin naba te karaanga are te Ioretan.

Warekaia Iteraera 34:6

E na riki Taari are te Mereterenian b'a tiana mai maeao

Te Tua-Kaua 1:7

Kam na kiitana ikai nako abaia kaain Amora ma kaain rarikiia ake kaain Kanaan. A reke i nanon te aba aei aaba aika M'aruan te Karaanga are te Ioretan, te aba are e tabukibuki, aaba ake a rinano ake i maeao, Rereuan Maiaki, mataniwiin Taari are te Mereterenian, Maungan Reb'anon, ao aaba ni kabane ni karokoa te Karaanga are te Iuberetiti.

Te Tua-Kaua 3:25

E rangi n tamaroa te aba are i maeaon te Ioretan. Taiaoka, kariaia b'a N na ri nanon te Ioretan ma n noori taian tabuki ma Maungan Reb'anon.

Te Tua-Kaua 4:49

A reke naba i nanon abaia mainikun M'aruan te Karaanga are te Ioretan ni karokoa Taari are Mate are i maiaki ni karaabeen te Maunga are Bitika.

Te Tua-Kaua 7:1

Kaain Iteraera, E na buokingkami te UEA ae Atuami n anaa te aba mairouia kaain Eta, kaain Kirekate, kaain Amora, kaain Kanaan, kaain Beriti, kaain Iwa, ao kaain Iebuti. A m'aiti riki ma ni korakora botannaomata aika itiua aikai nakoia Iteraera, ma ngkana kam buakaniia,

Iotua 1:15

ni karokoa reken raoi aaba ake i maeaon te Ioretan irouia ake E a tia ni motiki bukiia te UEA ae Atuami b'a abaia. Ngkana E a tia te Atua ni karekei nneia ni maeka barongan Iteraera ake a na maeka i maeaon te Ioretan, ao kam a tib'a kona n okiri abami ngkami barongan Iteraera ake kam maeka i mainikun te Ioretan n aron are e a tia n tuangngkami ngkoa Moote are ana toro te UEA.”

Iotua 1:4

Tian abami mai maiaki, te rereua, ao mai meang, maungan Reb'anon, ao mai mainiku, te karaanga are Iuberetiti, ao mai maeao, e biri ni wairio man te karaanga are Iuberetiti ri nanon abaia kaain Eta n toki n taari are te Mereterenian.

Iotua 10:23

Ao e kaukaki matan te b'angani matang ao a anaaki uean Ierutarem, ma Eberon, ma Iaremuta, ma Rakiti, ma Ekeron,

Iotua 11:17

Ao a taui taekan aaba akekei Iotua ma aomatan Iteraera ni moa man te maunga are Araka i rarikin aban Etom ake i maiaki ni karokoa B'aara-kata are ni m'aruan Reb'anon i aan te maunga are Oman are i meang.

Iotua 13:5

A tuai reke naba abaia I-Keeb'ara, ma Reb'anon ni kabane ake i mainiku, ni moa mai B'aara-kata, are i maiakin te maunga are Oman nako kawain Amata.

Iotua 15:12

are bon te tia mai maeao. Ao anne ngkanne tian abaia utuun te baronga are Iuta.

Iotua 22:4

Ao ngkai E bon teimatoa te UEA ae Atuami ni kaawakin ana berita i bukin te rau, n ai aron are e taekinna naba ngkoa nakoia raomi ake baronga ake tabem'aang. Ma ngaia ae kam na nako n okiri abami are kam abanna are i mainikun te Ioretan are e a tia n anganingkami Moote are Ana toro te UEA.

Iotua 22:7

ma ami buraonti ma ami m'akoro ni biti, ma ami kunnikai aika a bati, aike kam anai mai i rouia ami kairiribai. Kam na tib'atib'ai raoi baikanne i aomi ma raomi.” Ao a okiri abaia.

Iotua 23:4

I a tia n angan ami baronga nako aaba ni moa man te karaanga are te Ioretan are i mainiku nako taari are te Mereterenian are i maeao. I a tia n anganingkami abaia botannaomata ake ti a tia ni kataenikaia, ao abaia naba botannaomata ake a tuai taenikai i roura.

Iotua 24:11

Kam ri aon te Ioretan ao kam roko i Ieriko ao a buakani ngkami aomatan Ieriko ma taian Amoraite, ma Beritaite ma aomatan Kanaan ma aomatan Eta ma taian Kirekataite, ma Iwaite ma aomatan Iebuti, ma kam konaia ni kabane i bukina b'a I anganingkami te tokanikai i aoia.

Iotua 3:10

E na katotoroianako mai i m'aaimi kaain Kanaan, ma kaain Eta, ma Iwaite, ma Beritaite, ma Kirekataite, ma Amoraite ao kaain Iebuti. Ao ane kam na ataia b'a E memena te Atua ae maiu i buakomi

Iotua 3:17

A nakonako aomata i nanon te Ioretan i aon te tano ae m'au. Ao a tei ibonga ma Ana Ati ni Berita te UEA i nukan te Ioretan i aon te tano ae m'au naba, ni kababaneia raoi aomata ni karokoia ni iteran te karaanga are teuana.

Iotua 5:1

Ao a ongo aia uea kaain Amora ni kabane ake i maeaon te Ioretan, ma aia uea naba kaain Kanaan ni kabane ake i mataniwiin taari are te Mereterenian, b'a E kaoraa te Ioretan te UEA i bukin karokoaia Ana aomata ni iterana, ao a bane ni maaku ma ni biu nanoia i rouia kanoan Iteraera.

Iotua 6:27

Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.

Iotua 9:7

Ao a kaangai aomatan Iteraera nakoia, “E aera ngkai ti na boraraoakina te raoi ma ngkami, e na mena ngkoa ao ngaia kam bon maeka ni kaan ma ngaira!”