Iotua 8:4 - Te B'aib'ara

⁴ ma ana mwioko nakoia ae kaangai, “karabai ngkami i akuun te kaawa, ma tai rangi ni kararoai ngkami ma te kaawa; ao tatauraoi nakon te buaka.

Iotua 8:4 Iomraidhean Croise

2.Uea 7:12

Ao e teirake te uea mai aon ana kainiwene, ao e taku nakoia ana aobitia, “I ataa te b'ai ae a kataia ni karaoia kaain Turia aikai. A bon ataia ae ti a rangi ni baki, ao ngaia ane a karabaia i nanon te tawaana b'a a kaantaningaia b'a ti na otinako ni kakaaei karara. B'a ngkana ti karaoa anne, ao ane a na tauira man taua naba ara kaawa.”

2.Rongorongo 13:13

Ma ngke e tabe n taetae Abiia, ao e a tia Ieroboam ni kanakoia ana taanga ni buaka tabeua b'a a na buakana Iuta mai akuiia, ao angiia ana taanga ni buaka a buakaniia mai mataia.

Te Minita 7:19

E na kakorakorako riki te wanawana nakoia taani kairiiri aika tengaun aika a korakora i nanon am kaawa ae e buubura.

Te Minita 9:16

I iangoia b'a e raoiroi riki te wanawana nakon te korakora. Ma ngkana ko maiu ni kainano, ao bon akea temanna ae e kubariko, e ngae ngkana ko tim'aati.

M'akuri 23:21

Ma ngaia ae ko na aki iri nanoia, b'a angaun tabun te aomata i buakoia te koraki arei akana tataninga ni karabaia b'a a na kam'arua B'auro. Aikai te koraki ake a tia ni kabaeaki n aia berita b'a a na aki am'arake ma ni moi ni karokoa ae a tia ni kamatea B'auro. A tauraoi ngkai ni kaantaninga te taeka mai roum.”

Iotua 8:16

A bon babane tautian te kaawa n otinako ni kakioia aomatan Iteraera, ao ngke a kakioia Iteraera ao ai aron ae a bon kararoaia nako man aia kaawa.

Iotua 8:3

Ma ngaia are e a katauraoi Iotua ma ana tautia ni m'ananga nako Ai. E rineia 30,000 ana tautia aika a rangi n ninikoria, ao e kanakoia ngke e bong

Tani Motiki-taeka 20:29

Ao a katobibia Kibea Iteraera, ma a karabaia n te aro b'a a na aki nooraki.

Tani Motiki-taeka 9:25

Ao i mwiina, a kanakoia tabeman m'aane b'a a na karabaia i taubukin taian tabuki b'a a na karaniia ana taanga ni buaka Abimereka, ao tabeman b'a a na iraei aia b'ai aomata ake a nakonako i nanon te kawai. Ma e reke iroun Abimereka aia waaki arei.

Tani Motiki-taeka 9:32

Ao aei te b'ai ae ko na karaoia. Ko na kairiia am taanga ni buaka mai ikai n te tairiki ma ni karabaia n taian tawaana.

1.Tamuera 15:2

“Ngke a tabe ni waaki nako Iteraera i aon kawaia n otinako mai Aikubita, ao a buakanaki irouia kaain te botannaomata aika kain Amareka. Bon te UEA Ngai ae Moan te M'aaka, ao ngkai a nang kabooa mwiin te b'ai ae a tia ni karaoia kaain Amareka!

1.Tamuera 15:5

ao e kairiia nakon te m'arua are i rarikin teuana mai buakon kaawa ake i Amareka, ake a katauraoia iai nakon te buaka ae a na karaoia n te aro kakubanako.