Iotua 8:31 - Te B'aib'ara

³¹ E karaoa aei ni kaineti ma ana taeka Moote are ana toro te UEA are e a tia n anganiia Iteraera, are e kaangai n te boki are Ana tua Moote: “Karaoa baonikareau n atiibu aika aki koreaki ni b'ainim'akuri aika biiti.”

Iotua 8:31 Iomraidhean Croise

2.Uea 14:6

Ma a aki tiringaki natiia aobitia akekei. E a tia te UEA ni kaotia n ana tua i nanon ana tua Moote b'a a na ti katuaaeaki aomata ake a karaoa te bure, ao a na aki katuaaeaki aia utu ke natiia.

2.Uea 22:8

Ao ngke e mena Tiaban n te Tembora, ao e a anganaki te boki iroun Irekia ao e taku, “Noora te b'ai ae I kunea i nanon te Tembora, Bokin Ana Tua Te Atua.” E warekia Tiaban,

2.Rongorongo 25:4

Ma a aki tiringaki natiia taian aobitia akekei; e a tia te UEA n baaireia n ana Tua Moote b'a a na ti katuaaeaki aomata ake a karaoa te bure.

2.Rongorongo 35:12

A kaokoroi m'akoron te man tabeua kanoan Rewi ake a kainanoi taan taromauri i bukin te karea are kakukureian te UEA, n aron are e tangiraki n ana tua Moote. A karaoa naba ae aron arei nakoia taiani kao.

Etira 6:18

Ao i mwiina, a anganaki tabeia ibonga ma kanoan Rewi n ana Tembora te UEA i Ierutarem, ni kaineti ma taiani kaetieti ake e a tia ni koroi Moote.

Neemia 13:1

Ao n te bong arei ngke e a warekaki ana Tua Moote n te b'anaa ae korakora nakoia aomata ni kabane, ao e a kuneaki ae a aki kariaiakaki kaain Ammon ma kaain Moaba b'a a na riki b'a a na aomata te Atua.

Te Otinako 18:12

Ao i mwiin arei, ao Ietero e a uota te karea ae b'anin ao karea riki tabeua n anga nakon te Atua: ao a bane n iria Aaron ma taani kairiia Iteraera b'a a na kana te iriko ae tabu arei ni bon aron aia taromauri.

Te Otinako 24:5

E bon kanakoia naba tabeman rorobuaka b'a a na kabuoka te angab'ai ao te karea are te kaomm'aane b'a te raka n angab'ai nakon te UEA.

Mataio 12:26

Ao ngkana e a manga bon ekianako Tatan i bon i rouna, ao e na kanga ngkanne n tei ueana?

Te Tua-Kaua 27:2

Kam nangi rin n te aba are E anganingkami te UEA ae Atuami b'a abami. Bon te Atua raoi ni koaua ngaia are a tataromauria ami bakatibu, ao E a tia ni berita b'a e kaub'ai te aba aei n te miriki, ao ana karewe te manibeeru. Ngkana kam a tia n ri aon te karaanga are te Ioretan, ao naako nakon te Maunga are Eeb'ara, ao katei iai atiibu aika a buubura, ao kabiri aoia n te buraatita ae e mainaina, ao koroi i aoia katotongan tuua aikai.

Te Tua-Kaua 27:8

Ao kam na aki m'aninga ni korei naba katotoon taian tua aikai i aon atiibu akana kam na katei. Ao kam na riai naba ni kakoauaa b'a a na kona ni warekaki ami koroboki.

Iotua 1:8

Ko na kakoaua raoi b'a e na riai ni wawarekaki bokin te tua n taai nako n tain te taromauri. Kamateb'aia te tua ni bong ao ni ngaina, ao kakaonimaki ni karaoi b'aai ni kabane akana a koreaki iai. Ao ko na bon kakab'aia ma n tekeraoi.