Iotua 8:21 - Te B'aib'ara

²¹ Ngke a nooria Iotua ma ana koraki b'a e a reke te kaawa i rouia raoia ake te korakina b'a e a bue te kaawa, ao a rairaki n tiringiia tautian Ai ake a kakioaki i rouia ngkoa.

Iotua 8:21 Iomraidhean Croise

2.Tamuera 10:9

Ao e nooria Ioaba b'a e na riai n buaka mai moa ao mai buki n te tai ae ti teuana, ao e anaia tabeman tautian Iteraera ake a bane aroia b'a a na buakaniia kaain Ammon.

Iotua 10:1

Ao e ongo Atoniteteka are uean Ierutarem, aron Iotua ngke e taua te kaawa are Ai, ma ni kamaunaa ma n tiringa te uea n ai aron are e karaoia naba ngkoa nakon te kaawa are Ieriko ma ueana. E ongo naba rongorongoia aomatan Kibeon are a raoi ma Iteraera ao a maeka i buakoia Iteraera.

Iotua 8:20

Ngke a tanrikaaki tautian Ai, ao a noora te bubu ae korakora ae waerake nako karawa. Ao bon akea riki aia anga ni birinako, b'a a manga rairaki tautian Iteraera ngkoa ake a kakioia nakon aaba ake a rereua, b'a a nang manga buakaniia.

Iotua 8:22

A manga roko tautian Iteraera ake a buakana te kaawa ni buokiia Iotua ma ana koraki. Ao a tib'a ataia tautian Ai b'a ngaia a katobibiaki; ao a bane n tiringaki. Bon akea temanna ae reke maiuna