Iotua 8:14 - Te B'aib'ara

¹⁴ A kawaekoaia n otinako uean Ai ma ana tautia b'a a na buakaniia Iteraera ngke a nooria, ao a aki ataia aomatan Ai b'a ngaia a nang buakanaki mai akuiia.

Iotua 8:14 Iomraidhean Croise

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Itaia 19:11

Burababaia i bon irouia ana mataniwi uean Toan ma aia taeka n reirei aika a nanobaba. A na kangaa ni kaangai nakoina. “Ti rangi ni wanawana, ao a oki rikaaki nakoia uea ara utu ni boong ake ngkoa?”

Itaia 19:13

A burababa ao a kam'aam'ane ana mataniwi te uea i Toan ao i Membiti. A tia n anga aia kaetieti aika a buakaka nakoia botannaomata taani kairiiri n tautaeka nako.

Taniera 4:31

I m'aain are e nang taetae te uea, ao e taetae te b'anaa mai karawa ni kaangai, “Te uea ae Nebukaneta ko na ongora n te b'ai ae N nang taekinna! E a anaaki m'aakan ueam mairoum.

Mataio 24:39

ao akea te bae a ataia ni karokoa e roko te ieka ao e uotiia nako ni kabaneia; ao ai arona naba ngkana E roko Natin te Aomata.

Mataio 24:50

Ane na roko ana toka te toro arei n te bong are e aki kaantaningaia te toro, ao n te aoa ae e aki ataia,

Te Tua-Kaua 1:1

Kanoan te boki aei bon ana taetaenikawai Moote ake e karaoi ngke a mena Iteraera n te aba are Moaaba. A boni kaemb'a i rarikin te tabo ae Tuba i nanon te rereua i mainikun te karaanga are Ioretan. E mena te kaawa are B'aran n iteran aia maeka are teuana, ao kaawa ake Tobera, Rab'an, Aterota, ao Ritaaba n iteraia are teuana.

Iotua 8:13

Ao a bane ni baireaki aroia tautia nakon te buaka. Iteraia tautia ake tekorakina a mena n te maeka nako meangin Ai, ao te korakina a karabaia nako maeao. E kabanea ana tairiki Iotua n te m'arua.

Iotua 8:15

Ao a bakaaea te mumun rikaaki Iotua ma ana tautia, ma ni biri nako nakon aaba ake a rereua.

Iotua 8:16

A bon babane tautian te kaawa n otinako ni kakioia aomatan Iteraera, ao ngke a kakioia Iteraera ao ai aron ae a bon kararoaia nako man aia kaawa.

Iotua 8:5

Ao ngai ma nikiraia ara aomata ti na kaania te kaawa, ao ngkana a otinako tautian Ai ni kaaitaraira ao ti na rairaki ni birinako n arora naba are mai m'aaina.

2.Betero 2:3

I bukin aroia ni kani b'aib'ai ao ane a na karekei aia b'ai mai roumi n taeka n reirei ni kewe. E a kaman tauraoi ma ngkoa i bukiia motikan taekaia ni kabuakakaki, ao ae e teimatoa naba n tiku n taningaia te aro are a na kamaunaki iai.