Iotua 8:10 - Te B'aib'ara

¹⁰ E utim'aaka Iotua n te bong are i mwiina ni bootia ana tautia. Ao e m'ananga ngaia ma ana mataniwi, ao ana tautia nako Ai.

Iotua 8:10 Iomraidhean Croise

Karikani B'aai 22:3

Ao n te karangaina are i mwiina, ao e korokoroi ana aia Aberaam i bukin te karea, e katokai i aon te aati, ao e kaira Itaaka ma uoman ana toro. Ao a m'ananga nakon te tabo are E a tia n tuangnga te Atua.

Taian Areru 119:60

I kawaetataai, ao I aki iremwe, n tou mwin am Tua.

Iotua 3:1

A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.

Iotua 6:12

Ao e utim'aaka Iotua n te ingabong are i mwiina, ao a manga nakonako naba ni katobibia Ieriko te kauoua n tai n aroia naba arei; are a rimoa tautia ake taan kaawakiniia ibonga,

Iotua 7:16

Ao e utim'aaka Iotua n te moaningabong are i mwiina ao e bootia barongan Iteraera ni kabane; te barongana imwin te barongana, ao te UEA E katebenakoa te baronga are Iuta.

Iotua 8:11

E m'ananga ma tautia ake raona ni kaineta mataroan te kaawa, ao a katei aia auti ni motirawa mai meangin te kaawa i rarikin te mataroa are buubura, ao e mena te m'arua i marenaia ma Ai.

Iotua 8:9

Ao e kanakoia Iotua ao a nako nakon te tabo are a na karabaia iai. Ao a tataninga i maeaon Ai, are i marenan Ai ma Betaera. E matu Iotua n te tabo are katei iai aia auti ni motirawa.