Iotua 8:1 - Te B'aib'ara

¹ E taku te UEA nakon Iotua, “Ko na kairiia am tautia ni kabane ni waerakea te kaawa are Ai. Tai maaku ao tai b'ara n nano. N na anganiko te tokanikai i aon uean Ai. Ko na taua taekana ma ana aomata ma ana kaawa, ao abana.

Iotua 8:1 Iomraidhean Croise

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 44:3

E aki reke te aba irouia ara bakatibu n aia b'ai ni buaka; Ao e aki reke irouia n oini korakoraia; E reke ni m'aakam ao ni korakoram: mani kakoauaan memenam irouia ni kaotia b'a Ko tangiriia.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Ieremia 46:27

Iteraera, Ane a na roko boong are N na kaokingkami iai nakoni mwengami mai abaia ianena. Ane kam na maeka ma te rau ngkami ma ami kariki ao akea te b'ai ae kam na maaku iai.

Ieremia 49:3

Kam na tang kaain Etibon: E na riki ami kaawa b'a b'ariko n atiibu aika a maerikiriki. Ane kam na rairaki n aki akaaka, ma a na bonotaki kawaimi. Karin kunnikai n aki akaaka i aomi ao taang, ngkami aika kaain Rab'a, i bukina b'a a na anaaki bouananti ake kam taromauri nako abaia ianena, n reitaki ma ibongana ao mataniwiin ana Tembora.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Taniera 4:25

Ko na kakioaki nako man te kaawa, ao ko na maeka ma maan aika a moaanti. Ko na kang uteute n ai aron te kao, ao ko na matu n te tabo ae e katawanang, n te aro are e na ruoniko te aoi, ao e na riki aei nakoim i nanon itiua te ririki. Ao ko na okira te Atua n tokina, ao ko na kakoaua b'a boni Ngaia ae E taua taekan ueaia aomata ni kabane, n te aro are E kona n anai ao ni manga anganiia tabem'aang ake E bon taku.

Taniera 4:35

E taraia aomatan te aonnaba b'a kaanga baika akea bonganaia; a mena i aan Ana babaire anera ake i karawa, ma aomata aika i aon te aba. Bon akea ae e kona ni kaitaraa Ana iango ke ni waea te b'ai ae E karaoia.

Mataio 8:26

Ao Ngaia E kangai nako ia, “Kam aera ngkai kam maaku? Ngkami aika a karako ami onimaki!” Ao E tei rake, ao E takua te ang ma naao, ao e a bati naba te ariki.

Te Tua-Kaua 1:21

A b'ainna ngkai kaain Amora, ma E a anganiira ngkai ara UEA ae te Atua. Bon te Atua naba are a tataromauria ara bakatibu, ao E a tia n tuangiira b'a ti na anaa te aba aei, ma ngaia are, kam na aki raraoma, ke ni maaku.’ ”

Te Tua-Kaua 31:8

E na kairingkami te UEA nakon te aba. E na memena iroumi n taai nako mani buokingkami, ma ngaia are, tai mamaakuia ami kairiribai nako.

Te Tua-Kaua 7:18

Ma kam na katoka te raraoma. Kam na ti uringa te b'ai are karaoia te UEA ae Atuami nakon uean Aikubita.

Te Tua-Kaua 7:21

Ma ngaia are, kam na aki maaku ngkana kam aitara ni buaka ma ngaiia. E korakora Atuami ao E kakamaaku, ao E na buaka i bukimi.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 10:7

Ma ngaia are a nako Kibeon Iotua ma ana taanga ni buaka ni kabane, n reitaki naba ma ana taanga ni buaka aika a rangi ni korakora.

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”

Iotua 2:24

ao a kaangai, “Ti kakoauaa b'a E a tia n anganiira te aba arei te UEA ni kabane, b'a a bane ni makuira kain te tabo arei.”

Iotua 6:2

E taku te UEA nakon Iotua, “I anga nako nanoni baim Ieriko, ma ueana ao tautiana ni kabane ake a ninikoria.

Iotua 7:9

A na bane n ongo aomatan Kanaan ma kaain te aba aei ni kabane rongorongora, ao a na teirake n otab'aninira n tiringiira ni kabane! Ao e na kanga ngkanne ni karineaki aram?”