Iotua 7:9 - Te B'aib'ara

⁹ A na bane n ongo aomatan Kanaan ma kaain te aba aei ni kabane rongorongora, ao a na teirake n otab'aninira n tiringiira ni kabane! Ao e na kanga ngkanne ni karineaki aram?”

Iotua 7:9 Iomraidhean Croise

Taian Areru 115:1

Tiaki ara b'ai te neboaki! Boni Ngkoe te UEA, ae Ko na anganaki te neboaki i bukin am Kakaonimaki ma am Atataiaomata.

Taian Areru 48:10

Aron aram ngkae e ataaki n taabo nako, Ao ai aron naba katituaraoam ni buta nako i aonnaba ni bane, ngkai a reke am Tokanikai ni m'aakam.

Taian Areru 79:9

Te Atua ae ara tia kamaiu, buokira; Kamaiura ao kab'arai ara bure b'a e aonga ni karineaki aram.

Taian Areru 83:4

A taku, Nako mai; ti na urua aroia ni botannaomata, b'a e aonga n aki manga uringaki taekan Iteraera.

Taian Areru 83:5

A bo nanoia n aia iango ao a botiia aia aomata b'a a na ekiko nako:

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Mika 7:10

Ao a na boni b'aib'ainrang ara kairiribai ngkana a noora aei. E taetae ni kantiab'ai ngkoa te kairiribai ni kaangai, “E ngaa Te UEA ae Atuam?” Ti na ngareakiniia ngkana a konaaki, ma ni b'aka i aon te bokaboka i nanon kawain te kaawa.

Warekaia Iteraera 14:13

Ao e kaeka Moote: Ko kamaiuia aomata aikai mai Aikubita ni m'aakam ae korakora, ao ana bon ongo kain Aikubita baike ko a tia ni karaoi nako ia am aomata aikai,

Ioane 12:28

Tamau, neboa aram.” E roko ngkanne te b'ana mai karawa, ae kaangai, “I a tia n neboia, ao N na manga neboia.”

Te Tua-Kaua 9:28

B'a ngkana ko tiringiira, ao ane a na kaangai kaain Aikubita E berita ngkoa te Atua b'a E na anganiia Iteraera te aba, ma bon akea m'aakana ni kaawakina ana Berita, ao ni koauana, E bon rangi n ribaia n te aro are E kairiia nakon te rereua n tiringiia iai.

Iotua 7:10

E taku te UEA nakon Iotua, “Teirake! bukin tera ngkai ko wene i aon te tano n aron anne?

Iotua 7:8

Bon akea te b'ai ae n na taekinna te UEA b'a a mumun nako Iteraera i rouia ara kairiribai?

1.Tamuera 12:22

Ma E a tia n rineingkami te UEA b'a Ana aomata ni koaua. E na kakaawakiningkami n taai nako b'a kam aonga ni bane n ataa aroni korakorana.