Iotua 7:6 - Te B'aib'ara

⁶ Ao a raeuai kunnikaia Iotua ma ana mataniwi, ao a iakiaki i aontano i matan Ana Ati ni Berita te UEA ni kabongnga, ao a tauni atuia n te baareka ni kaota rawawataia.

Iotua 7:6 Iomraidhean Croise

Karikani B'aai 37:29

Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona.

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

2.Tamuera 1:11

Ao a raeuai aia kunnikai Tawita ma ana tautia i bukin rawawataia.

2.Tamuera 1:12

Ao a tang ni kabongnga ao akea te b'ai teuana ae a kanna. Ao a bane n nanokawaki aomata i bukin natin Tauro are Ionatan, ao i bukiia naba ana aomata te UEA ake a mate n te buaka.

2.Tamuera 1:2

Tenua te bong i mwiina, ao e roko te tautia man ana taanga ni buaka Tauro. A mangaingai kunnikaina, ao iai taian tano i aon taubukin atuuna. E nakon Tawita ao e katorobubua i matana.

2.Tamuera 12:16

Ma ngaia are, e aki am'aam'arake Tawita ni kaota nanokaawakina, ao e butiia te Atua b'a e na kamarurunga natina. Ao e aki matu i aon ana kainiwene, ma e wene i aon te burooa ni kangainaa.

2.Tamuera 13:19

Ao e raeuaa niiniirana Nei Tam'aa ao e kaaki te mannang i aon atuuna. Ao e karaba matana ni baina ao e tang n takaarua ngke e tabe n nakonako.

2.Tamuera 13:31

Ao e teirake Tawita, ao e raeuaaka ana kunnikai i bukin rawaawatan nanona ao e wene i aon te tano. A reiti teiia ana taani m'akuri, ma a raeuaaki kunnikaiia naba.

2.Uea 22:11

Ao ngke e ongo Iotia kanoan te boki are Ana Boki n Tua Te Atua, ao e raeuai ana kunnikai i bukin rawawatan nanona.

2.Rongorongo 34:19

Ao ngke e ongo Iotia b'aai ake a mena i nanon ana Boki n Tua te Atua, ao e raeuai kunnikaina i bukin rawaawatan nanona.

Etira 10:1

Ao ngke e mena Etira i aon bubuaniwaena i matan ana Tembora te Atua, n tataro ma ranni matana i matana, ao e kab'arabure i bukiia Iteraera, ao a ikotaki i rarikina m'aane, aine, ao ataei aika a rangi ni m'aiti ma n tang ni korakai.

Neemia 9:1

A bane aomatan Iteraera n aki am'aam'arake ni kauabwi ma auani bongin te kaitiua n nam'akaina, ao a kunnikaiia ni kunnikai aika a raerob'a ao a kaoni atuuia n te baareka ni kaota nanokawakiia.

Etita 4:1

Ao ngke e a atai b'aai aika a karaoaki Moretekai, ao e raeuai kunnikaina i bukin rawawatana, ao e karin kunnikai aika a mangaingai, ao e tauna atuna n te mannang, ao e nakonako i nuukan te kaawa are e buubura arei n tangi n takaarua n te b'anaa ae e kananoanga,

Etita 4:3

Ao a bane n tang taian I-Iutaia n taabo nako ike e katanoataaki iai ana rongorongo te uea arei. Ao a aki mamatam, ao a tanginiwenei, ao angiia a karin kunnikai aika a mangaingai, ao a wene i buakon taiani mannang.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Iobi 2:12

Ao a kaman noora Iobi ma ngke a mena i keraroa ma aki kinaa, ma ngke a kinaa ao a moana tanginiweneia ma tangiia ni korakai. A raeuai aia kunnikai i bukin rawawataia, ao a tetewerakei taiani mannang nako eta i aon atuuia.

Iobi 42:6

Ma ngaia are, I mamaa ni b'aai ake I a tia n taekin, ao I raira nanou ma te rawawatau ao te nanomaraki ae korakora.

B'aeb'aeti 2:10

A tekateka unim'aanen Ierutarem n aki kakarongoa i aon te tano, a tauni atuia n te tano ao a kunnikainiia ni kunnikai aika a mangaingai. A kabaraaki atuia ataeinaine nako aontano.

Warekaia Iteraera 14:6

Ao a raeuai kunnikaia Iotua ma Kareb'a i bukin rawawatan nanoia

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 16:45

“Kam'aawaingkami! N nang bon karokoa aia bong Iteraera n te tai aei.” Ao a kawaekoaia ni bobaraaki n tataro.

M'akuri 14:14

Ngke a ongo taan tuatua ake B'arenaba ma B'auro taekani baike a nang karaoi aomata, ao a raei kunnikaia, ao a biribiri i buakoia aomata n tatakarua,

Iotua 7:7

Ao e taku Iotua, Ara UEA ae moan te rietaata, e aera ngkai Ko uotiira ri aon te Ioretan nako ikai? Ko na anga ngaira nako nanoni baiia Amoraite? Ko na tiringiira? E raoiroi riki ngke ti tiku i mainikun te karaanga?

Te Kaotioti 18:19

A kaaki te tano i aon atuia b'a a nanokawaki, ao a tang ma n tanginiwenei, ao a kaangai, “Ai kaawa ra, ai kaawa ra, te kaawa are kakannato, are a bane n reke mai iai kaub'aia te koraki ni kabane ake iai aia kaibuke i marawa, ni kaub'aina; b'a a kamaunaki kaub'aina i nanon teuana te aoa.”

Tani Motiki-taeka 11:35

Ao e tang Iebeta, O, ao e raeuaaka kunnikaina i bukin rawawatana ao e taku nakon natina, I a tia ni berita nakon te UEA, ao I riai ni kakoroa bukina. Otinakom ni kawarai e bon riki b'a uruakin nanou.

Tani Motiki-taeka 20:26

Ao a nakon te tabo n taromauri Iteraera i Betaera, te tabo ike e kaawakinaki iai te Atiniberita. A tekateka i aon tano, ao a tang ma n aki am'arake ni karokoa te bong. Ao ngke e nang bung taai, ao a angakarea nakon te UEA ao a bubutiia Ana kakab'aia. Ao e tataro Bineati are te ibonga ni kaangai, Ara UEA, bon ara koraki kaain te baronga are Beniamin. Ti nang katoka buakanakiia, ke ti na buakaniia riki? Ao E taku te UEA, Buaka, ao N na katokanikaingkami nakon te ingabong.

Tani Motiki-taeka 21:2

Ao i mwiin te buaka ma te baronga are Beniamin, ao a nako Iteraera nakon te tabo n taromauri i Betaera ao a tekateka ikekei ni karokoa bungin taai. Ao a takaarua n tang ni korakai,

1.Tamuera 4:12

Ao e biririkaaki man te bonibuaka nako Tiro temanna te tautia man te baronga are Beniamin. E a tia n raeuaka ana kunnikai ao e tauna atuuna n te tano ni kaota rawawatan nanona.