Iotua 7:26 - Te B'aib'ara

²⁶ Ao a katabukirakei atiibu i aona, ao bon akekei naba atiibu ni karokoa boong aikai. Ao bon anne bukina ngkai e aranaki te tabo arei b'a M'aruan te kaangaanga. Ao e a toki unin te UEA i rouia aomatan Iteraera ngke e a mate Akan.

Iotua 7:26 Iomraidhean Croise

2.Tamuera 18:17

Ao i mwiina, a karenakoa rab'atan Abetarom i nanon te m'arua i nanon te buakonikai ao a kaibetaotaoi taian atiibu i aona. Ao a bane ni biri n okiri mwengaia Iteraera i nanon te tai anne.

2.Tamuera 21:14

Ao i mwiina, e anga ana taeka i bukin riia m'aane ake a tia ni kabaeaki roroaia b'a a na taunaki naba ikekei. Ao e karaoaki nanon arei, ao E kaekai taian tataro te Atua ni kakab'aia te aba.

2.Rongorongo 29:10

Ma ngaia are, I a tia n baaireia b'a ti na manga kabooua ara boraraoi ma te UEA ae Atuan Iteraera. E na mena ngkoa ao e a ti toki naba iai unna iroura.

Etira 10:14

A aki konaa n tiku ara mataniwi i Ierutarem ikai ni karaoa te b'ai aei i bukira? Aomata ake a tia ni bure n aron aei, a na riai ni kaitibo ikai ma taani kairiiri ma taani moti man aia kaawa nako n taina ae e baaireaki. Ngkana ti karaua ni katiaa raoi te kaangaanga aei, ao te Atua e na bon katoka iai unna ae e korakora iroura.

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Itaia 40:2

Taetae raoi nakon Ierutarem ao katanoataa ae e kaangai: A toki am bong n tautoronaki. Bon te UEA ngai, are I kataboroa tuaam i bukin am bure nako.”

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

B'aeb'aeti 3:53

Ao i mwiina, a kataia n tiringai ni karenakoai i nanon te m'arua ao a karebanaai n taian atiibu.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Otea 2:17

N na bon kariaia naba b'a ko na atong araia antiia beekan aikai aika ko araniia b'a “Tooka”.

Ioera 2:13

Kam na aki raeraei kunnikaimi i bukin kaotan nanokawakimi. Ma kam na okirai ma nanomi aika a uruaki. I nanoanga, I akoi, ao I areare. I aki kakai un, ao I aki tangira te karekekai.

Ioera 2:18

E rangi n tabeaianga nanon te UEA i bukin te aba aei ao E nanoangaiia ana aomata.

Iona 1:15

Ao a ana Iona ao a tewea nako marawa, ao e a karina naba n raoi.

Tekaria 6:8

ao e manga takaarua nako iu ni kaangai, “A na karaoa te b'ai ae e tangiria Tamnein te UEA koraki ake a tia n nako nakon te aba are i meaang.

Warekaia Iteraera 25:8

ao e taonrimwiia teuarei nakon te auti n rianna, ike e a ewara naba iai te mm'aane arei ma biroton neirei n te tai ae ti teuana. Ao E waekoa n toki unin te UEA n tiringaia aomata n te aoraki are kamamate arei,

Te Tua-Kaua 13:18

Ao bon anne bukina are kam riai ni karaoi iai baike E taekin te UEA ae atuami b'a a eti. I anganingkami tuua ma reirei aikai n te bong aei, ao kam na riai n ongotaeka iai.

Iotua 10:27

Ao e tua Iotua b'a a na anaaki rab'ataia ngke e a bung taai, ao a na karenakoaki rab'ataia n te b'angani matang are a bon karabaia ngkoa iai. Ao a anaaki atiibu aika a korakora ao e bonotaki iai matana. Ao bon akekei naba ni karokoa boong aikai.

Iotua 7:24

A taua Akan aomatan Iteraera, ao a anaa te tirewa ma te kunnikai, ao te m'akoro ni koora, ni ikotaki naba ma natina m'aane, ao natina aine, ma ana nanai ni kao, ma ana aati, ma ana tiibu, ma ana auti n rianna, ao ana b'ai ni kabane, ao a uoti nakon te m'arua are M'aruan te kaangaanga.

Iotua 8:29

E kabaea roroan uean Ai n te aroka tekaina, ao e katikua ikekei ni karokoa e bong. Ngke e a bung taai ao e a tuatua b'a e na anaaki rab'atana, ni karenakoaki i mataroan te kaawa are Ai. Ao a tauna rab'atan n taian atiibu aika korakora, are e bon tiku naba ikanne ni karokoa boong aikai.