Iotua 7:24 - Te B'aib'ara

²⁴ A taua Akan aomatan Iteraera, ao a anaa te tirewa ma te kunnikai, ao te m'akoro ni koora, ni ikotaki naba ma natina m'aane, ao natina aine, ma ana nanai ni kao, ma ana aati, ma ana tiibu, ma ana auti n rianna, ao ana b'ai ni kabane, ao a uoti nakon te m'arua are M'aruan te kaangaanga.

Iotua 7:24 Iomraidhean Croise

Karikani B'aai 18:25

Ko na bon bae n aki kona n tiringiia aomata aika akea aia bure ma aomata aika taani bure. E bon aki kona ni karaoaki anne. Ko aki kona ni karaoa anne. Ngkana Ko karaoa anne, ao ane a na mauna nako naba iai aomata aika akea aia bure i rarikiia taani bure. E bon aki kona ni karaoaki anne. E na bon karaoaki te motikitaeka ae eti n te aonnaba aei ni kabane.”

Iobi 20:15

Ma E na karekea te anga te Atua are a na bua iai taiani kaub'ai ake e kimoai.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Taeka n Rabakau 15:27

E karika te kangaanga nakon ami utu te mataaib'ai, ma kam na bon kaawakiningkami i bon iroumi ngkana kam rawa ni karaoa te baabakanikawai.

Te Minita 5:13

I a tia n noora te b'ai ae e rangi ni kaairua. A kaub'ai aomata, ma bon akea raoiroina nakoia.

Itaia 65:10

A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

Iotua 15:7

Ao maikanne e a manga birirake nako m'aruan te kangaanga nako Tebira, ao e manga nako iang ni kaitaraa Kirekara, are kaaitaraa kawain Arummim are i maiakin te m'arua, ao e a manga waaki nakon te koburake n ran are i Entemeti, ao e a manga otinako nako Enrokera.

Iotua 22:20

Kam aki uringa Akan are natin Tera ngke e aki ongotaeka naba nakon Ana mwioko te UEA are a na aki anaaki baikeke a riai ni kamaunaaki ao a bane ni katuaaeaki aomatan Iteraera i bukin anne, tiaki ti Akan ni mate i bukin ana bure.”

Iotua 6:18

Ma bon akea b'ain te kaawa aei ae kam na anaia b'a a na bane ni kamaunaaki; ngkana iai te b'ai teuana ae kam anaia ao bon iai te kabuanib'ai, ao te urub'ai ae e na reke nakoia aomatan Iteraera ni kabane.

Iotua 6:21

A tiringiia kaain te kaawa ni kabane, aika m'aane ma aine, ao ataei ma kaara. A tiringiia naba maan ni kabane, aika kaao, tiibu ma taian aati n aia kabaang.

Iotua 7:1

E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)

Iotua 7:23

A uoti rikaaki man te auti n rianna nakon Iotua, ma aomatan Iteraera, ao a kawenei n te tabo are a tataromauri iai.

Iotua 7:26

Ao a katabukirakei atiibu i aona, ao bon akekei naba atiibu ni karokoa boong aikai. Ao bon anne bukina ngkai e aranaki te tabo arei b'a M'aruan te kaangaanga. Ao e a toki unin te UEA i rouia aomatan Iteraera ngke e a mate Akan.