Iotua 7:21 - Te B'aib'ara

²¹ I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”

Iotua 7:21 Iomraidhean Croise

Karikani B'aai 10:10

A reke ngkoa i nanon abana B'aburon, Ereka, ao Akata, a bane ni mena ni katenua i nanon B'aburon.

Karikani B'aai 3:6

Ao e noora te kai arei te aine b'a e tamaroa taraana, ao e rangi n raoiroi uaana n te kanaki, ao e a anaaki riki nanona ngke e na wanawana iai. Ma ngaia are, e anai uaana ao e kang. Ao i mwiina, e a manga angan teuare buuna, ao e kanna naba teuarei.

Karikani B'aai 34:27

Ao i mwiin te tiritiri arei, ao a manga m'ananga natin Iakob'a mm'aane ake tabeman n anai b'ain te kaawa arei b'a irantangaan m'aneia are e tauaki.

Karikani B'aai 6:2

ao iai tabeman natiia kaaini karawa aika mm'aane ake a noriia ataeinaine aika tikiraoi aikai, ao a karekei buia i buakoia.

2.Tamuera 11:2

N te tanimaeao n taai teuana, E teirake Tawita ma ni matuuna ae e uarereke ao e nanakonako i aon taubukin ana bareti.

2.Uea 7:8

Ma ngaia are, a biri nako man aia kaemb'a n te tairiki arei, ao a kiitani aia autinrianna ma aia aoti ma aia aati. Ao ngke a roko reebera ake aman i tabon aia kaemb'a kaain Turia ao bon akea naba te aomata temanna. A m'ananga n rin nako i nanon te autinrianna teuana, ao a am'arake ma ni mooi i nanona, ao i mwiina a uotinako taiani kunnikai, ao ai uana naba ma taiani koora ma taian tirewa. A karabai baikekei ni kabane, ao a manga rin i nanon te autinrianna are teuana; a anai b'aai ake a bon tangiri, ao a karabai naba.

Iobi 31:1

I a tia ni karaoa te berita ae matoa b'a N na aki manga taratara te ataei n aine ma te kaitataan.

Taian Areru 119:37

Kawakinai man iaiangoani baika akea bonganaia, Ao anganai te maiu n iran nanom.

Te Otinako 20:17

Tai mataiakina ana auti te aomata temanna, ke n tataana buuna, ke ni mataiakina ana toro, ana tiibu, ana aati, ke ana b'ai ni kabane.”

Taeka n Rabakau 1:19

Te kaub'ai are ko karekea man te bure e na manga bon iraeiko mani maiumi.

Taeka n Rabakau 23:31

Ko na bon aki karekea nanom n taraia ngkai e on ma ni kantara ma ni buroburo i nanon te m'angko te kiraati te wain! E rin raoi nimakina

Taeka n Rabakau 28:22

Tai iaiangoia b'a ti ngkoe te aomata ma n rangi ni iangoia b'a ko na kaub'ai b'a ane ko na manga aki toronib'ai riki nakon are ko kaantaningaia.

Taeka n Rabakau 4:23

Karaua raoi kaawakin am iango b'a bon anne boton te maiu ni koaua.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 29:15

ko a bon reke n te kaangaanga, ngkana ko kataia ni karabai am babaaire mai roun te UEA! Ke ngkana ko taku b'a a na aki konaa n nooraki baika ko karaoi n te roo.

Ab'akuka 2:9

Ko na b'aka. Ko kab'aib'aia am utu man baika ko karekei n te iowawa. Ko a tia ni kataia ni kamanoa man te kabuanib'ai, ao te kangaanga.

Ruka 12:15

Ao E a manga taku riki nako ia, “Tarataraingkami! ao kawakiningkami man te mataai ni kanib'aib'ai ni kabane; b'a maiun te aomata, e aki mena n ana b'ai, e ngae ngkana a reke i rouna ni m'aiti.”

Ruka 12:2

Akea te b'ai ae rabunaki ae na aki kaotaki, ao ae karabaaki ae na aki ataaki.

I-Ebeto 5:3

Ma ngkai aomata aika itiaki ngkami, ao e aki riai b'a e na taekinaki b'a iai te wene ni bure, ma te kammaira nako, ma te mataai ni kani b'aib'ai i buakomi;

I-Ebeto 5:5

B'a kam bon ata aei, b'a akea te aomata ae te tia wene ni bure, ma te tia kammaira, ma te tia mataai ni kanib'aib'ai ae te tia taromauri bouananti, ae na karekea Ueani Kristo ma te Atua.

Te Tua-Kaua 7:25

Ngkana kam tia ni kataenikaia te botannaomata teuana, kam na kabuoki aia bouananti. Kam na aki m'aane n tangiri taian tirewa ma koora akana nim i aon taiani bouananti. B'a e aki kukurei iai te UEA, ni moa man te m'akoro ni biti ae nim i aon te bouananti,

I-Korote 3:5

Ma ngaia ae kam na kamate aron rab'atami akana b'ain aon te aba, aika te wene ni bure, te kammaira, te kaib'ab'aru, te tangira ae buakaka, ao te mataai ni kanib'aib'ai ae ti te bo arona ma taromaurian te bouannanti.

Ebera 13:5

A na akea ni maiumi te baki tianti, ma a na rauaki nanomi ni baika iai i roumi. B'a E a tia ni kangai te Atua, “N na bon aki kakiko, Ao N na bon aki kitaniko.”

Iakobo 1:15

Ao te nano ni kaib'ab'aru, ngkana e bikoukou, ao e bungia te bure; ao te bure, ngkana e ikawai, ao e bungia te mate.

Iotua 7:20

E kaeka Akan, “E bon koaua b'a I a tia ni bure nakon te UEA, ae Atuaia Iteraera, ao n na kaota te b'ai ae I a tia ni karaoia.

Iotua 7:22

Ao e a kanakoia m'aane tabeman Iotua nakon ana auti n rianna teuarei, ao a kunei baikeke a riai ni kamaunaaki n aron are e a tia n taekinna Akan, are e mena te tirewa n te kabanea mai nano.

2.Betero 2:15

a kitana te kawai ae eti, ao a tiotio nako, ao a karaoa are e karaoia B'araam are natini Beora, are tangira boon te m'akuri ae kairua are e karaoia;