Iotua 7:20 - Te B'aib'ara

²⁰ E kaeka Akan, “E bon koaua b'a I a tia ni bure nakon te UEA, ae Atuaia Iteraera, ao n na kaota te b'ai ae I a tia ni karaoia.

Iotua 7:20 Iomraidhean Croise

Karikani B'aai 42:21

ao a taku i bon irouia, “Eng, ngkai e a bon roko mwiin ara m'akuri are ti a tia ni karaoia nakon tarira, ti bon noora kainanona ae korakora ngke e bubuti buokana, ma ti bon aki kan ongo. Ao bon anne bukina ngkai ti a reke n te kangaanga ae korakora n te tai aei.”

Iobi 33:27

Ane a na taetae i mataia aomata ni kaangai, “I a tia ni bure, I a tia ni karaoa te b'ai ae aki raoiroi, ma e aki katuaaeai te Atua ngke I bon riai ni katuaeaki.

Iobi 7:20

Ko rootaki n au bure? E aera ngkai Ko karikai b'a Am taakete? I a riki b'a te b'ai ni karawawata ae korakora nako Im?

Taian Areru 38:18

I kaoti au bure; I raraoma iai.

Te Otinako 10:16

Ao e kawaekoaa te uea ni weteia Moote ma Aaron ao e taku, “I a tia ni bure nakon te UEA ae Atuami ao nako imi.

Te Otinako 9:27

Ao e kanaanako ni weteia Moote ma Aaron te uea ao e taku, “I a tia ni bure nakon te UEA n te tai aei; e bon eti te UEA, ao I bure ma au aomata.

Warekaia Iteraera 22:34

Ao e kaeka B'araam ao e taku, “I a tia ni kaairua, I aki roko n te ataia ae ko kataia ni katokai. Ngkana ko taku b'a N na aki nako, ao n nang okira au auti n te tai naba aei.

Mataio 26:9

B'a te kabira aei, e kona ni kabooaki nako n teboo ae m'aiti, ao a anganaki akana aki kaub'ai.”

Mataio 27:4

ao e taku, “I a tia ni bure ngke I kam'anea te aomata ae akea ana bure.” Ao a taku, “Tera ara b'ai iai? Ai bon am b'ai anne!”

Iotua 7:19

Ao e taku Iotua nakoina, “Natiu, taekina te koaua i matan te UEA ae Atuaia Iteraera ao ko riai n raraoma. Tuangai b'a tera ae ko a tia ni karaoia. Tai manga kataia ni karaba nako iu.”

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”

1.Tamuera 15:24

Ao e kariaia burena Tauro, ao e taku, “I a tia ni bure. I aki ongotaeka i roum ao i roun te UEA b'a I maaka te taanga ni buaka, ao I ira nanoia.

1.Tamuera 15:30

Ao e taku Tauro, “I boni bure, ma taiaoka ma karineai i mataia taani kairiiri n te taanga ni buaka ao i mataia Iteraera. Okirikaaki ma ngai b'a I aonga ni kona n taromauria te UEA ae Atuam.”