Iotua 7:1 - Te B'aib'ara

¹ E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)

Iotua 7:1 Iomraidhean Croise

Karikani B'aai 34:27

Ao i mwiin te tiritiri arei, ao a manga m'ananga natin Iakob'a mm'aane ake tabeman n anai b'ain te kaawa arei b'a irantangaan m'aneia are e tauaki.

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

2.Uea 5:24

Ngke e roko n te tabuki are e maeka iai, ao e anai taiani baeki mairouia taani m'akuri akekei, ao e karin i nanon ana auti, ao e kaokiia m'aane akekei.

1.Rongorongo 21:7

E un te Atua n ana babaaire Tawita i bukin warekaia aomata, ao e katuaaia Iteraera.

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

Etira 9:6

ao I tataro ni kaangai: I a bon rangi ni mamaa ni kaaitarako te UEA ae te Atua. A tia n taoniira ara bure ma ara kaairua n ai aron te ieka ae e rooti taiani karawa.

Iobi 35:8

E bon rawawata raom n aomata n am bure, ao te raoiroi ae ko karaoia, e na bon buokaki naba iai raom n aomata.

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Taniera 9:7

Ko kakaraoa ae eti Ngkoe ae te UEA n taai nako, ma ti boni kamamaaira i boni iroura. Bon aei ae ti kakaraoia ngaira aika ti maeka i Iuta, i Ierutarem, ao Iteraera ake a maenako n aaba tabeua aika a kaan ao aika a raroa i bukina b'a a aki kakaonimaki nakoim.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Iona 1:7

A i taetae kaimoa temanna nakon temanna, “Ti na kaiwana te buaka aei b'a antai ae e na bukinaki n te kangaanga aei.” Ao a kaiwa, ao e b'akara Iona wiian te kaiwa.

Iotua 22:16

“Ti kanakoaki mai rouia ana aomata te UEA ni kabane b'a ti na ongora i roumi b'a kam aera ngkai kam aki kakaonimaki nakon te UEA, b'a kam a manga katea ami baonikarea anne bon ti i bukimi? E aera ngkai kam a manga tannako mai roun te UEA ni karaoa te b'ai ae rangi ni buakaka?

Iotua 22:18

Ngkana kam aki ongotaeka i roun te UEA n te bong aei ao e na reke kaimi ma aomatan Iteraera ningabong.

Iotua 22:20

Kam aki uringa Akan are natin Tera ngke e aki ongotaeka naba nakon Ana mwioko te UEA are a na aki anaaki baikeke a riai ni kamaunaaki ao a bane ni katuaaeaki aomatan Iteraera i bukin anne, tiaki ti Akan ni mate i bukin ana bure.”