Iotua 6:4 - Te B'aib'ara

⁴ Itiman ibonga aika a na uouota kakateuana te buu i aoia, ao a na rimoan te Atiniberita. Ko na nakonako ni katobibia Ieriko itiua te tai n te kaitibong, ngkoe ma am tautia, ao ibonga, a na katang aia buu i nanon tain te nakonako.

Iotua 6:4 Iomraidhean Croise

Karikani B'aai 2:3

E kakab'aiaa te kaitiua ni bong, ao E kaokoroa b'a te bong ni motirawa i bukina ngke E toki ni m'akuri iai.

1.Uea 18:43

ao e taku nakon ana tia m'akuri, “Naako taraa marawa.” Ao e nako te tia m'akuri arei. Ao ngke e oki ao e taku, “I a tia n tara marawa ma akea te b'ai ae I nooria.” Ao e a manga tuangnga riki Eria b'a e na noora marawa itiua te tai.

2.Uea 5:10

E kaotinakoa temanna Eritai b'a e na taetae nako ina ni kaangai, “Naako tebokiko itiua te tai n te Karaanga are Ioretan, ao e na toki iai reeberam.”

2.Uea 5:14

Ao e ruorikaaki Naaman nako nanon Ioretan; e nakonako i nanon te ran, ao i mwiina e teboo itiua te tai n aron are e tuangnga Eritai. Ao e toki aorakina ni bon te tai naba arei, ao e tamaroa kunna n aron kunin te ataei.

2.Rongorongo 13:12

Ao bon anne bukina ngkai E mena te Atua n ara itera ao e na kairiira nakon te buaka ngkana a katanga te kanikina ibonga n taiani buu. Kam kabane buakaa ami tai Iteraera, kam bon riai ni kab'araa nanomi. Bon akea manenan ae kam karaoia Iteraera, kam riai ni kab'ara nanomi. Bon akea ami anga ae kam na konaa iai te UEA ae te Atua are a taataromauriia ami bakatibu.

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

2.Rongorongo 20:19

Ao a teirake tabeman kanoan Rewi man te kaainga are Koata ao Kora ao a takaarua n neboa te UEA ae Atuan Iteraera.

2.Rongorongo 20:21

Ao i mwiina, e a kab'arab'ara ana babaaire ao e rineia m'aane aika a na m'aati mai moan te rain ao a na neboa te UEA n te anene i bukin m'aakana ae tabu: “Neboa te UEA! Akea tokin ana tangira.”

Iobi 42:8

Anai itiman te kaom'aane ngkai, ao itiman naba te tiibu m'aane nakon Iobi, ao anga b'a te karea bon i bukimi, ao N na kaeka ana tataro, b'a I aonga n aki butim'aei ngkami n te b'ai ae kam a tia ni karaoi. Kam aki taekina te koaua i buku n aron are e a tia ni karaoia.”

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Nakoaia Ibonga 14:16

ao e na kateboa tabonibaina are te atai, ma n tatauriia nako i matan te UEA itiua te tai.

Nakoaia Ibonga 4:6

E na kateboa baina i nanon te raraa, ao e na tatauriia iai rokin te ruu are e tabu itiua te tai.

Tekaria 4:2

Ao i mwiina, e titirakinai ni kaangai, “Tera ae ko nooria?” Ao I kaeka ni kaangai, “Te kaintaura ma nnen b'aan te oriwa i aona. Ao i aon te kaintaura bon iai itiua taian taura, a bane n ura ni kaitiua.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Warekaia Iteraera 23:1

Ao e taku B'araam nakon B'araka, “Karaoi itiua baonikarea ikai, ao uotimai nako iu, itiman kao mm'aane, ao itiman tiibu mm'aane.”

Iotua 6:13

ao a rimwiiaki i rouia itiman ibonga ake taan katanga te buu, ao i mwiina riki ibonga ake taan uouota te Atiniberita, ao taian kabane mai i buki tautia ake taan kaawakina te Atiniberita mai buki. Ao e tang te buu i nanon tain te m'ananga.

Iotua 6:3

Kam na nakonako ni katobibia Ieriko ngkoe ma am tautia teuana te tai n te bongina.

Iotua 6:5

N tokin te kaitiua ni katobibi ao a na katanga te buu ni kamaana tangina. Ao n te tai naba are kam ongo iai anne, ao kam na bane n takaarua ni kanenei b'anaami, ao e na rina ni b'aka oon te kaawa. Ao kam na bane n rin ni kaineta nanon te kaawa.”

Te Kaotioti 1:20

Ao aio te kaantaninga ae raba ae nanonaki n itoi ake itiua, ake ko noori i nanoni baiu ae ataiu, ma kain-tei n taura ake koora ake a tei ma taura i aoia n tatabeua nako: Itoi ake itiua bon aia anera ekaretia ake itiua; ao kain-tei n taura ma taura i aoia n tatabeua nako bon ekaretia ake itiua.

Te Kaotioti 1:4

Mairoun Ioane nakoia ekaretia ake itiua ake i Atia: Ami b'ai te akoi ma te raoi mairoun Teuare bon iai ngkai, ao iai ngkoa, ao iai rimwi n aki toki; ami b'ai naba te akoi ma te raoi mairouia tamnei ake itiman ake a memena i nanoaan ana kaintokanuea;

Te Kaotioti 10:3

Ao e taetae n te b'anaa ae korakora, n ai aron te raian ngkana e bekorara; ao ngke e taetae ao a rebwe baa ake itiua ni kaekaa.

Te Kaotioti 15:1

Ao I a manga nora te b'ai teuana i karawa ae e kamimii taraana, ae te b'ai ae ab'ab'aki ae kamimii: bon anera aika itiman, ao iai i rouia kabaneani b'aai ni kamamate; ngaiia aika kaota tokin unin te Atua.

Te Kaotioti 15:7

Ao temanna ni baike a maiu ake aman e angania anera ake itiman boora aika itiua aika koora aika on n unin te Atua, ae maiu n aki totoki.

Te Kaotioti 16:1

Ao I ongo te b'anaa ae korakora man te Tembora, b'a e kaangai nakoia anera ake itiman, “Kam na nako ni kab'aroi i aon te aba kanoani boora ake itiua ake booran unin te Atua.”

Te Kaotioti 5:1

Ao I nora te niira ni boki i atain Teuare tekateka i aon te kaintokanuea. Iai te koroboki i nanona ao i akuuna, ao e kanim'aki ni kanim ake kanikina aika itiua b'a e na aki uki.

Te Kaotioti 5:6

Ao I nora te Tiibuteteei n tei i nukan te kaintokanuea ma baike a maiu ake aman, ma unimm'aane akekei: E tara n ae E a tia ni kamateaki te Tiibuteteei arei, ao itiai korona, ao itiua matana, ake tamnei ake mairoun te Atua, ake a a tia ni kanakoaki nako aon aaba ni bane.

Te Kaotioti 8:2

Ao I nooriia anera ake itiman ake a teitei i matan te Atua; ao a anganaki taiani bu aika itiua.

Te Kaotioti 8:6

Ao anera ake itiman, ake iai i rouia taiani bu ake itiua, a katauraoia b'a a na katang.