Iotua 6:27 - Te B'aib'ara

²⁷ Ao te UEA e memena i roun Iotua, ao e tanoata kakannaton Iotua i aon Kanaan ni kabutaa.

Iotua 6:27 Iomraidhean Croise

Karikani B'aai 39:21

Ma e bon memena te UEA iroun Ioteb'a ma ni kakab'aiaa, ma ngaia are, e a tatangira Ioteb'a te tia tararua te karabuuti.

2.Tamuera 7:9

I buokiko n taabo nako ike ko nako iai, I buokiko ni kamaunaia am kairiribai i boni matam. Ao I karikiko b'a temanna mai buakoia aomata aika kabanea ni kakannato ao n tanoata n te aonnaba.

1.Rongorongo 14:17

Ao man te tai anne, e rikirake n tanoata Tawita, ao te UEA e karikiia botannaomata ni kabaneia b'a a na maakua.

Etita 9:4

E a rangi n ataaki ngkai ni kabutaa te abanuea b'a e a rangi ni m'aaka Morotekai n te bareti ao e rikirake m'aakana.

Mataio 14:1

Ni boong akekei, ao e ongo rongorongon Iesu Erote are te tia tau-taeka,

Mataio 18:20

B'a ike a botaki iai uoman ke teniman n arau, ao Ngai I mena naba iai i buakoia.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

Mataio 4:24

E taona Turia ni kabuta rongorongon Iesu, ao a bane n uotaki nako Ina aomata aika aoraki n aekan aoraki nako ma maraki, ao akana taniaki irouia taimonio, ma akana iai aorakin aia iango, ma akana aki kona te nakonako; ao E kamaiuia.

2.I-Korinto 13:14

E na mena i roumi ni kabaneingkami ana akoi te UEA are Iesu Kristo, ma ana tangira te Atua, ma ana raorao te Tamnei are Raoiroi.

Te Tua-Kaua 31:6

Kam na ninikoria ma ni korakora. Kam na aki maakuia botannaomata ake n iteran te Ioretan are teuana. E na teimatoa te UEA ae Atuami ni mena n ami itera, ao E na bon aki kitaningkami.

2.Timoteo 4:17

Ma E tei te Uea i rarikiu ao E kakorakoraai b'a N na taekina te euangkerio ae b'anin b'a a na ongo aomata aika tiaki I-Iutaia; ao I kamaiuaki man te mate.

2.Timoteo 4:22

E na mena te Uea iroun tamneim. E na mena te akoaki iroumi ni kabaneingkami.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

Iotua 1:9

Uringa are I a tia n tuangko, b'a ko na korakora ma n ninikoria! Tai maaku, ao tai b'arannano, b'a N na raoraoniko n taai nako ao n taabo nako ike ko nako iai, Ngai ae te UEA ae Atuam.”

Iotua 9:1

Ao e tanoata rongorongon totokanikaia aomatan Iteraera nakoia uean maeaon te Ioretan ake uean Eta, ma uean Amoraite, ma uean Kanaan, ma uean Beritaite, ma uean Iwaite, ao uean Iebuti-ake n aaba ake i aon taian tabuki, ma aaba ake a rinano, ma ake a boraoi i mataniwiin taari are te Mereterenian ni bo nako iaang ni karokoa Reb'anon.

Iotua 9:3

Ma a tia n ongo aomatan Kibeon, ake Iwaite rongorongon te b'ai are e karaoia Iotua nakon Ieriko ma Ai.

Iotua 9:9

Ao a karakina aia rongorongo ae kaangai, “Ti bon roko man te aba ae raroa kinokino, b'a ti a tia n ongo taekan te UEA ae Atuami ma baike e karaoi ni kabane i Aikubita,

1.Tamuera 18:14

Ao e buoka Tawita te UEA, ao e aki toki n totokanikai Tawita ma ana taanga ni buaka.

1.Tamuera 2:30

Bon te UEA Ngai ae Atuaia Iteraera. I berita b'a n na teimatoa ni kariaia ami utu b'a a na m'akuri b'a ibonga, ma I tuangkami ngkai b'a bon akea riki te b'ai teuana ae I kona ni manga karaoia! I karineia aomata aika a karineai, ma I kamaraiaia akana a ribaai.