Iotua 6:26 - Te B'aib'ara

²⁶ Ao e anga ana taeka ni bau Iotua ae kaangai, “E na kamaraiaa te aomata te UEA ane e a manga kataia ni katea Ieriko. E na mate ana karimoa ae te m'aane te aomata ane e a manga kataia ni kawenea aan te kaawa aei; ao e na bua ana bina te aomata ane e karaoa te mataroa.”

Iotua 6:26 Iomraidhean Croise

1.Uea 16:34

Ao e a manga karaoa te kaawa are Ieriko temanna te m'aane ae arana Iera ngke e uea Aaba. Ma ngke e kawenea aan te kaawa Iera, ao e mate natina te m'aane ae a na karimoa are Abiram. Ao ngke e a tia mataroan te kaawa, ao e a manga mate ana bina te m'aane are Tekuba. E riki n aron are E taekinna te UEA nakon Iotua i nanon ririki aika a b'aka nako.

1.Uea 22:16

Ao e takaarua Aaba ni kaangai, “Mikaia, ai iraua te tai ae I tuangko iai b'a ko na tuangai raoi te koaua. Tera raoi ae E taekinna te UEA nakoim?”

2.Uea 2:4

Ao e taku Eria, “Eritai, e tangirai ngkai te UEA b'a N na nako Ieriko, ma ko na tiku ngkoe ikai.” Ao e kaeka Eritai ao e taku, “I tuea n aran te UEA ae E maiu, ao i matam b'a N na bon aki kiitaniko, e aoria ngkana tera ae e na riki.” Ma ngaia are, airi ma Eria nako Ieriko.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

Mataio 26:63

Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”

M'akuri 19:13

Iai I-Iutaia tabem'aang aika nanakonako ni kanakoia naba tamnei aika bubuaka n aia tabunea. A kabongana aran te UEA are Iesu nakoia aomata ake iai i rouia tamnei aika bubuaka, ao a kaangai, “Ti tuangngkami iroun Iesu are e tataekinna B'auro!”

Iotua 16:7

E a manga ruorikaaki mai Ianoa nako Atarota ao Naara, ni karokoa Ieriko ao n toki n te Ioretan.