Iotua 6:25 - Te B'aib'ara

²⁵ Ma e kamaiua Nei Raaba are te kabekaau Iotua ma ana utu ni kabane, i bukina ngke e karabaia taan tutuo ni karaba ake e kanakoia b'a a na tuoa Ieriko. Ao bon akana i aon Iteraera ana kariki Nei Raaba ni karokoa boong aikai.

Iotua 6:25 Iomraidhean Croise

Mataio 1:5

ao Taremon e karika Boati iroun Nei Raaba; ao Boati e karika Obeta iroun Nei Ruuta; ao Obeta e karika Iete;

M'akuri 2:21

Ao e na kamaiuaki ane m'anewea aran te UEA.

Ebera 11:31

N te onimaki are e aki kamateaki iai Nei Raaba are te kabekaau ma ake a aki onimaki, ngke e a tia ni m'aneia n akoia taan tutuo akekei ma te rau.

Iakobo 2:25

Ao tiaki b'a ai aron naba Nei Raba are te kabekaau? E reke reitakina ma te Atua n ana m'akuri, ngke e akoia taan tutuo akekei, ao e kanakoia n te kawai teaina.

Iotua 2:1

Ao Iotua e kanakoia uoman ana tib'aai ngke a kaemb'a i Titim, b'a a na tib'aaiakina aon Kanaan, ma e a moamoa riki te kaawa ae Ieriko. Ngke a roko n te kaawa, ao a nako ni kangainaa n ana auti ainen mataawa ae arana Nei Raaba.

Iotua 2:18

Aio te b'ai ae ko riai ni karaoia. Ko na kabaea te kabae ae uraura n te winto are ko nnaira mai iai. Ngkana ti buakana te kaawa aei, ao ko na bootia tamam, ma tinam, ma m'anem nako, ma ana utu tamam ni kabane i nanon te auti aei.

Iotua 2:4

Ao e taku Nei Raaba, “Eng, a bon roko uoman m'aane n au auti, ma I aki ataia b'a a nako mai ia.

Iotua 2:6

I aki ataia b'a a bo nakea ngkanne, ma I taku b'a kam na bon kawiaia ngkana kam waekoa n rimwiia.” (Ma e a kaman karabaia tib'aai ake uoman Nei Raaba i aan kain buraekiti ake e katikui i taubukin ana auti)

Iotua 4:9

Ao iai naba atiibu ake e katei Iotua i nukan te Ioretan n te tabo are a tei iai ngkoa ibonga ma te Atiniberita. (Ao bon akekei naba ni karokoa boong aikai atiibu akekei.)