Iotua 6:24 - Te B'aib'ara

²⁴ Ao a kauraa te kaawa ni kamannangnga, ma b'aai ni kabane ake iai, ma ti b'aai ake a karaoaki man te koora, te tirewa, te buraonti, ao te biti, ake a anai ni kaawakin ni nnen ana b'ai te UEA.

Iotua 6:24 Iomraidhean Croise

2.Tamuera 10:5

Ao a rangi ni mamaa. Ao Tawita ngke e noora te b'ai are e riki nakoia ana mataniwi, ao e kanakoa ana rongorongo ao e tuangiia ni kaangai, “Kam na tiku i Ieriko ni karokoa rikin buaimi, ao kam a tiba konaa n okiri mwengami.”

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

1.Rongorongo 18:11

E angan te UEA b'aintangira aikai Tawita, n aron are e a tia naba ni karaoia nakon b'aai ake e taui n te buaka i Etom, Moaba, Ammon, Biritia, ao Amareka.

Warekaia Iteraera 31:10

Ao ni kabuoki naba aia kaawa ake a buubura ma ake a uarereke kaain Miria.

Te Tua-Kaua 13:16

Booti aia b'ai ni kabane aomata ake a maeka ikekei, ao katabukirakei n taian tabo ni kabob'ai, ao bon akea teuana ae kam na anaia mai iai, ao kabuoki aia b'ariko ni b'ai akanne ma te kaawa anne ni kabane, ao kam na aki manga katea te kaawa anne. E na riki te kaawa anne b'a te karea nakon te UEA ae Atuami aika eti. Ao E na toki unin iai te UEA nakoimi, ao E na nanoangaingkami, ao E na katetekeraoingkami, n aron are E berita iai nakoia ami bakatibu.

Te Tua-Kaua 20:16

Ngkana kam taua naba taiani kaawa ake E anganingkami te UEA ae Atuami, ao kam na riai ni kakoauaa b'a kam na tiringiia aomata ma man aika kawakawa ni kabane.

Iotua 11:11

E tiringiia aomatana ni kabane, ao bon akea temanna ae maiu. A kabuoka te kaawa ni kabane.

Iotua 6:19

A na kaokoroaki b'aai ni kabane akana a karaoaki man te tirewa, te koora, te buraonti, ao te biti, b'a ana b'ai te Atua. A na kaawakinaki ni nnen ana b'ai te UEA.”

Iotua 6:25

Ma e kamaiua Nei Raaba are te kabekaau Iotua ma ana utu ni kabane, i bukina ngke e karabaia taan tutuo ni karaba ake e kanakoia b'a a na tuoa Ieriko. Ao bon akana i aon Iteraera ana kariki Nei Raaba ni karokoa boong aikai.

Iotua 8:28

E kabuoka Ai Iotua ao e karikia b'a te tabo ae akea bonganana ni karokoa boong aikai.

Te Kaotioti 17:16

Ao kooro ake tengaun, ake ko noori, ma te man arei, a na ribaa te kabekaau, ao a na kurib'aia n anai ana b'ai ni kababanei, ma ni katikua n akea karabaana; ao a na kana irikona, ao a na kabuokia n te ai.

Te Kaotioti 18:8

Ma ngaia ae a na roko baika kamamate i rouna n te bong ae ti te bongina, ae te aoraki ae kamamate, ma te nanokawaki ae bati, ma te rongo; ao e na kabuokaki ni kabaneaki n te ai; b'a E m'aaka te Uea ae te Atua ae motika taekana.