Iotua 6:21 - Te B'aib'ara

²¹ A tiringiia kaain te kaawa ni kabane, aika m'aane ma aine, ao ataei ma kaara. A tiringiia naba maan ni kabane, aika kaao, tiibu ma taian aati n aia kabaang.

Iotua 6:21 Iomraidhean Croise

1.Uea 20:42

Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

Ieremia 48:18

Kaain te kaawa ae Ribon, kam na aki manga oki ni karineaki, ma ngaia ae, kam na tekateka i buakon te baareka. Ane a na raeuaakaki oon ami kaawa ngkana a roko ami kairiribai ni buakaningkami.

Te Tua-Kaua 13:16

Booti aia b'ai ni kabane aomata ake a maeka ikekei, ao katabukirakei n taian tabo ni kabob'ai, ao bon akea teuana ae kam na anaia mai iai, ao kabuoki aia b'ariko ni b'ai akanne ma te kaawa anne ni kabane, ao kam na aki manga katea te kaawa anne. E na riki te kaawa anne b'a te karea nakon te UEA ae Atuami aika eti. Ao E na toki unin iai te UEA nakoimi, ao E na nanoangaingkami, ao E na katetekeraoingkami, n aron are E berita iai nakoia ami bakatibu.

Te Tua-Kaua 2:34

Ao i mwiina, ti taui ma ni kamaunai kaawa ni kabane ake n abanuean Taion, ma n tiringiia aomata ni kabane,

Te Tua-Kaua 7:16

Ngkana E buokingkami te UEA ni kataenikaiia ami kairiribai, ao kam na riai n tiringiia n aki manga nanoangaiia. Ao kam na aki m'ane ni manga taromauri atuaia.

Iotua 10:28

Ao e a manga buakana Maketa ma ueana Iotua ma n taua n te bong naba arei. E tiringiia aomatan te kaawa ni kabane. Ti te bo te m'akuri are e karaoia nakon uean Maketa ma are e karaoia naba ngkoa nako uean Ieriko.

Iotua 10:39

E taua te kaawa ma ueana, ma kaawa nako ake i rarikina. A tiringiia aomata ni kabane. Bon ti te arona are e karaoia Iotua ngkai ma are e karaoia naba ngkoa nakoia uean ma aomatan Eberon ma Ribena.

Iotua 11:11

E tiringiia aomatana ni kabane, ao bon akea temanna ae maiu. A kabuoka te kaawa ni kabane.

Iotua 11:14

Ao a bane n anai b'aai aika a kakawaki ma taian man aomatan Iteraera man kaawa akekei b'a aia b'ai. Ma a tiringiia aomatana ni kabane, ao bon akea temanna ae reke maiuna.

Iotua 8:2

Ko na tiringa uean Ai n ai aron are ko karaoia naba ngkoa nakon uean Ieriko, ma n te tai aei ngkanne ao kam nang kaawakin kaub'aina nako ma manna b'a ai bon ami b'ai. Katauraoi ngkami b'a kam na kakubanakoia ni buakaniia mai akuiia.

Iotua 8:22

A manga roko tautian Iteraera ake a buakana te kaawa ni buokiia Iotua ma ana koraki. Ao a tib'a ataia tautian Ai b'a ngaia a katobibiaki; ao a bane n tiringaki. Bon akea temanna ae reke maiuna

Iotua 9:3

Ma a tia n ongo aomatan Kibeon, ake Iwaite rongorongon te b'ai are e karaoia Iotua nakon Ieriko ma Ai.

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.

1.Tamuera 15:3

“Naako buakaniia kaain Amareka! Kamaunaia ma aia b'ai ni kabane. Kam na bon aki nanoangaia naba teutana. Tiringiia m'aane, aine, ataei, n reitaki naba ma ake a uarereke. Tiringiia naba aia kao, aia tiibu, aia kamero, ao aia aati.”

1.Tamuera 15:8

Ao a bane n tiringaki kaain Amareka, ao ti nikirana te uea are Akaaka.