Iotua 6:18 - Te B'aib'ara

¹⁸ Ma bon akea b'ain te kaawa aei ae kam na anaia b'a a na bane ni kamaunaaki; ngkana iai te b'ai teuana ae kam anaia ao bon iai te kabuanib'ai, ao te urub'ai ae e na reke nakoia aomatan Iteraera ni kabane.

Iotua 6:18 Iomraidhean Croise

2.Tamuera 21:1

Bon tenua taian ririki aike akea iai kanaia te botannaomata ae Iteraera n ana tai n uea Tawita. Ma ngaia are, e buubutiia te UEA teuare Tawita buokaia, ao E kaeka te UEA ni kaangai, “E bure Tauro ma ana utu i bukin te tiriaomata, i bukina ngke e tiringiia kaain Kibeon.”

Te Minita 9:18

E tamaroa riki te wanawana nakon b'aai ni buaka, ma te kaairua ae ti teuana e konaa ni kamaunai am m'akuri ni kabane aika a raoiroi.

Iona 1:12

Ao e taku Iona, “Karenakoai nako taari ao e na toki te buaka; b'a I ataia b'a e roko te ang ae korakora aei i aomi i buku.”

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

2.I-Korinto 6:17

Ao E kangai naba te UEA: “Ma ngaia ae kam na m'awa mai buakoia, kam na kaokoroingkami; Kam na aki riinga te bae kam'ara, Ao N na butim'aingkami;

I-Ebeto 5:11

Tai buokanib'ai n ana m'akuri te roo aika akea uaaia, ma kam na kaoti aroia;

Te Tua-Kaua 23:10

N aron aei, ngkana iai te b'ai ae riki ni kam'araa iai te m'aane ngke tairiki, are na riki n aki tau iai nakon taromaurian te UEA, ao e na nako tinanikun te maeka ma n tiku ikanne

Te Tua-Kaua 7:26

ma ngaia are, kam na kamaunai. B'a ngkana kam uotirikaaki nakon ami auti, ao kam na kaai ni kamaunaaki ma ami auti. Kararoaingkami mani baika a rangi n ribaaki aikai aika bouananti.

Iakobo 1:27

Aio te Aro ae itiaki ae aki kam'ara i matan te Atua ae te Tama: bon tararuaia akana a mate tamaia ma aine aika a mate buia ni kain nanoia; ao te kawakinna te aomata b'a e na aki baareka ni b'ain aon te aba.

Iotua 7:1

E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)

Iotua 7:13

Tei rake! tabuia am aomata ao katauraoia i m'aain rokoia i matau. Tuangiia b'a a na katauraoia i m'aain te ingabong, b'a iai au taeka Ngai ae te UEA ae Atuaia Iteraera nakoia ae kaangai, ‘Iai b'aai i buakon ami b'ai Iteraera are I tuangngkami ngkoa b'a kam na kamaunai. Kam na bon aki konaa ni kaaitaraia ami kairiribai ni karokoa kam a tia ni karenakoi baikanne ni kabane.’

Iotua 7:15

E na kabuokaki te aomata are e reke ni iraei b'aai ake a riai ni kamaunaaki, ao a na kamaunaaki naba ana utu ni ikotaki ma ana b'ai ni kabane, i bukina ngke e a tia ni uota kamamaaeaia Iteraera, ao e a tia naba n urua Au boraraoi ma ngkami.”

Iotua 7:25

Ao e taku Iotua nakoina, “Bukin tera ngkai ko karika te kaangaanga nakoira? E nang karokoa te kaangaanga ae ab'ab'aki te UEA i aom!” Ao a bane ni karea Akan ma ana utu Aomatan Iteraera ni kamateia. Ao a kabuoki rab'ataia ma aia b'ai ni kabane.

1.Ioane 5:21

Ataei aika kam uarereke, kam na kawakiningkami n taua raroami mani bouannanti.

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.