Iotua 5:9 - Te B'aib'ara

⁹ E taku te UEA nakon Iotua, “I kataenakoa mai aomi n te bong aei rawawatan taekami b'a toro ngkami ngkoa i Aikubita.” Ao bon aei bukina are a arana iai te tabo arei Iteraera b'a Kirekara ni karokoa boong aikai.

Iotua 5:9 Iomraidhean Croise

Karikani B'aai 34:14

Ao a taku nako ina, “Ti bon aki kona n anga m'anera nakon te aomata ae e tuai korotabonim'aneaki, e na bon riki b'a te b'ai ni kamamaa nako ira.

2.Tamuera 19:15

Ao e oki Tawita, ao ngke e a roko n te Karaanga are te Ioretan e a kaitibo ma kaain Iuta. A bootaki i Kirekara ao a roko b'a a na buokia n ri nanon te karaanga.

Neemia 12:29

ma ngaia are, a roko maikanne, ao ai uana naba ma kaawa aika a uarereke ake i rarikin Netob'a, Beta-Kirekara, Keeb'a, ao Atimaweta.

Taian Areru 119:39

Kamaiuai man taetae n iowawa aika I rangi n ribaai; Ai kamimiira am Moti!

Ieremia 9:25

A na roko boong are N na katuaaia iai bootanaomatan Aikubita,

Etekiera 23:3

Ngke a uarereke ngke a maeka i Aikubita, a riki b'a ainen mataawa.

Etekiera 23:8

N te tai are e karaoi iai baikai i Aikubita, e aki manga konaa ni katokia. A wene m'aane ma ngaia, ao e a bon tatauraoi naba nakon te wene ni bure.

Otea 4:15

Iteraera, kam aki kakaonimaki, ma kam na aki kaira Iuta nakon te bure. Katoka te taromauri i Kirekara ke Betaera ae bubure Ao ani katoka karaoan taiani berita n arau-aran te UEA ae E maiu.

Nakoaia Ibonga 24:14

E a tia n taetaebuakai teuaei. Uotia nako tinanikun te maeka ao a na katokai baiia taani kakoaua i aon atuna. Ao i mwiina tuangiia Iteraera ni kabane b'a a na karebanaia n atiibu ni karokoa matena.

Amota 5:5

Tai nako n taromauri i Beera-teba. Tai ukoukorai i Betaera-N nang kakeaa manen Betaera. Tai nako Kirekara-ana tiringaki man uotaki nako kaaina b'a taenikai.”

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Teb'ania 2:8

E taku te UEA ae E m'aaka, “I a tia n ongo aia taeka I-Moaba ma I-Ammon ngke a tataboraaia man kaenaenaia au aomata, ao a kamoamoa b'a a na anaa abaia.

Iotua 24:14

E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

Iotua 4:19

A ri nanon te Ioretan aomata ni katebwinan bongin te moan nam'akaina. Ao a kaemb'a i mainikun Ieriko i Kirekara

Iotua 5:8

I mwiin tian te korotabonim'aane, ao a bane n tiku aomata n tataninga maon mwiin koreaia, n te tabo are a motirawa iai.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”

1.Tamuera 17:26

Ao e titiraki Tawita nakon te tautia are e mena i rarikina ao e taku, “Tera ae na reke nakon te m'aane are tiringa kaain Biritia arei ma ni katokia man kakaotinakoaia ara aomata? Tao e taku b'a tera ngaia kaain Biritia ae akea manenana aei? E b'ainingarea Ana taanga ni buaka te Atua ae maiu!”

1.Tamuera 17:36

Teuae ko karineaki, I a tia n tiringi raian ma taiani bea n te aro anne, ao I bon kona riki n tiringa kaain Biritia ae akea manenana aei. E riai n aki b'ainingareia ana taanga ni buaka te Atua ae maiu!

1.Tamuera 7:16

Ni katoa ririki ao e naanako Tamuera nako Betaera, Kirekara, ao Mitib'a ni kakaraoa te m'akuri n tia moti nakoia aomata.