Iotua 5:6 - Te B'aib'ara

⁶ Bukin naba mateia b'a aki ongotaeka nakon te UEA. E baireia te UEA b'a bon akea temanna mai rouia m'aanen te roro arei ae e na noora te aba ae maiu reirei are kanoan ana berita nakoia aia bakatibu. Ao e bon koro bukin anne nako ia.

Iotua 5:6 Iomraidhean Croise

Taian Areru 107:4

A tiotio nako n te rereua n te kawai ae kamaroaa; E aki reke irouia te kaawa are a na maeka iai.

Te Otinako 3:17

ao I berita b'a N na kairiia ni kaotinakoia man aia kangaanga. N na anganiia te aba ae e m'aiti iai te miriki ao ana karewe te manibeeru, ike a maeka iai ngkai kaain Kanaan, kanoan Eta, kaain Amora, kaain Berita, kaain Iwa, ao kaain Iebuti.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Ieremia 2:2

n na nako Ierutarem ma n tuangiia aomata nako te b'ai are E a tia n taekinna: Kam tangirai ngkoa ngke kam moan riki b'a au kabae ao kam irai i nanon te rereua ae akea kaina.

Etekiera 20:15

I aki karaoa anne ma I a tuangiia n te rereua b'a N na kairiia nakon te aba ae e tamaroa, te aba ae e maiu reirei are I a tia ni berita iai nako ia.

Etekiera 20:6

I tuea b'a N na kamaiuia mai Aikubita ma ni kairiia nakon te aba are I a kaman rineia. E mari te aba n te miriki ao ana karewe te manibeeru ao bon te aba ae te kabanea n tamaroa.

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Warekaia Iteraera 14:23

A tia n noora m'aakau koraki aikai i Aikubita, ao n te rereua, ma a na bon aki noora Kanaan. A m'aiti aia tai n aki ongeaba nako Iu, ao ni kataai.

Warekaia Iteraera 26:63

A warekia Iteraera Moote ma Ereata ngke a katei maeka i tabukin Moaba i rarikin te karaanga are te Ioretan ni kaaitaraa te kaawa are Ieriko n iteran te karaanga are teuana.

Te Tua-Kaua 1:3

Ni moanibongin te katebwimateuana n nam'akaina, n te kaabwi n ririki, ao Moote e tua b'aai ni kabane nakoia Iteraera n aron are e tuangnga te UEA.

Te Tua-Kaua 2:14

E riki aei 38 te ririki i mwiin kiitanakin Kaatetib'aania iroura, ao n te tai naba anne are a bane n tia ni mate m'aane ni kabane ake a tia n riki b'a tautia i Kaatetib'aania, n aron are taekinna te UEA b'a e na riki nakoia.

Te Tua-Kaua 2:7

E a tia te UEA ni buokiira i nanon ririki aika 40 aika a tia n nako ngke ti mena i nanon te rereua ae korakora aei. A tia n reke iroura b'ai ni kabane aika ti kainanoi, ao E a tia naba te UEA ni kakab'aiaira ma ni kakatotokanikaira ni b'aai ni kabane ake ti karaoi.

Te Tua-Kaua 8:4

A aki roko n te mangaingai kunnikaimi, ao a aki roko n te konaaki waemi i nanon 40 te ririki aika nako.

Ebera 3:11

Ma ngaia are I taetae n tuea iai ngke I un: ‘B'a a na aki rin i nanon au motirawa!’ ”

Iotua 1:6

Ko na korakora ao ko na ninikoria b'a ko na riki b'a aia tia kairiri aomata aikai ni karokoa te tai are a na tekateka raoi iai n te aba are I a tia ni berita b'a N na anganiia aia bakatibu.

Iotua 24:7

ao a tang nako iu ao I kab'aroa taari i aoia ana taanga ni buaka Aikubita ao a bane ni b'ab'a ni mate. Ao kam bane n noori baike I karaoi nakoia taanga ni buaka mai Aikubita. Kam maeka n te rereua n te tai ae e maan,

Iotua 5:5

ma a tuai korotabonim'aneaki ake a tib'a bungiaki i nanon te m'ananga are abwi te ririki. Imwin te tai anne a bane n tia ni mate m'aane ma ake a rorobuaka n tain te otinako mai Aikubita.

Iotua 5:7

Ao natiia m'aane akekei ake ataei ni m'aane ake a tuai mani koreaki tabonim'aneia i nanon tain te m'ananga, ngaia te roro ae boou are korei tabonim'aneia Iotua.