Iotua 4:11 - Te B'aib'ara

¹¹ Ao ngke a bane raoi ni iteran te karaanga are teuana, ao a manga m'ananga ibonga ake a uota te Ati ni Berita n rimoaia aomata.

Iotua 4:11 Iomraidhean Croise

Itaia 52:12

Kam na aki biri. Akea ae e kaeingkami. E na kairingkami ao ni kaawakiningkami man aia buaka ami kairiribai te UEA ae Atuaia Iteraera.

Iotua 24:11

Kam ri aon te Ioretan ao kam roko i Ieriko ao a buakani ngkami aomatan Ieriko ma taian Amoraite, ma Beritaite ma aomatan Kanaan ma aomatan Eta ma taian Kirekataite, ma Iwaite ma aomatan Iebuti, ma kam konaia ni kabane i bukina b'a I anganingkami te tokanikai i aoia.

Iotua 3:17

A nakonako aomata i nanon te Ioretan i aon te tano ae m'au. Ao a tei ibonga ma Ana Ati ni Berita te UEA i nukan te Ioretan i aon te tano ae m'au naba, ni kababaneia raoi aomata ni karokoia ni iteran te karaanga are teuana.

Iotua 3:8

Tuangiia ibonga ake a uouota te Atiniberita b'a a na tei ngkana a roko ni kaneinein mataniwiin te Ioretan.”

Iotua 4:10

A tei ibonga i nukan te Ioretan ni karokoa banen raoi baike e tuangaki Iotua i roun te UEA b'a e na tuangiia tibun Iteraera b'a a na karaoi. Bon aikai ana mwioko Moote nakon Iotua. A kawaekoaia aomata akekei n ri nanon te Ioretan.

Iotua 4:12

A kawaekoaia n rimoaia aomata tibun Reuben, ma Kata, ma iteran te baronga are Manate ma aia b'ai ni buaka n aron are e a tia n tuangiia Moote.

Iotua 4:18

Ao ngke a bane n aerake raoi ibonga man te karaanga, ao e a manga tao te karaanga n arona are mai m'aaina.