Iotua 3:8 - Te B'aib'ara

⁸ Tuangiia ibonga ake a uouota te Atiniberita b'a a na tei ngkana a roko ni kaneinein mataniwiin te Ioretan.”

Iotua 3:8 Iomraidhean Croise

2.Uea 2:6

E taku Eria nakon Eritai, E tangirai ngkai te UEA b'a N na nakon te Karaanga are te Ioretan, ma ko na tiku ngkoe ikai. Ao e taku Eritai, I tuea n aran te UEA ae E maiu, ao i matam b'a N na bon aki kiitaniko. Ma ngaia are, a manga uaia n reitaanako kawaia.

2.Rongorongo 29:15

Aikai taani kairiiri ake a bootia ni kabane kanoan Rewi, ao a bane n nakon te bootaki i bukin kaitiakaia. Ao i mwiina, a moana kaitiakan te Tembora n aron kanoan ana Tua te UEA, n aron are e a tia ni baaireia Etekia.

2.Rongorongo 29:27

Ao ngke e a tia n anga te kanikina Etekia b'a a nang kabuokaki taiani karea i aon te baonikarea, ao a waakina aia anene n nebo nakon te UEA taani katangtang ao a katangi aia b'ai ni katangitang,

2.Rongorongo 29:30

Ao i mwiina, a anga aia taeka Etekia ma ana mataniwi nakoia kanoan Rewi b'a a na anenei taian anene n nebo ake e a tia ni koroi Tawita ma Ataba are te burabeti. Ao a bobaraaki ao a kukurei n anenei kuuna n nebo nakon te UEA.

2.Rongorongo 30:12

Ao te Atua e karaoia aomata ni kabane i Iuta b'a a na rangi ni kan karaoi b'aai ake a tuangaki irouia Etekia ma ana mataniwi.

Neemia 13:22

I tuangiia kanoan Rewi b'a a na katabuia ao a na teiakin taiani mataroa n te Taabati, b'a e aonga n teimatoa tabuna. E bon akoi ni koaua te Atua, ao I tataro b'a e na karaoa ae e raoiroi nako iu ma ni kakab'aiaai ngkai I a tia ni karaoa aei.

Neemia 13:28

Ao iai natin Ioiata are natin te ibonga are Eriatiba, ae e mare ma natin Taneb'arata te aine; Taneb'arata are kaain Oron, ao I kairoroia natina m'aane b'a a na nako.

Te Otinako 14:13

Ao e taku Moote, “Kam na aki maaku! Taua abami b'a kam na noora te b'ai ae na karaoia te UEA ae Atuami i bukin kamaiuami n te bong aei, kam na bon aki manga nooriia kaain Aikubita aika kam nooriia aikai.

B'aeb'aeti 3:26

Ma ngaia are, e raoiroi iroura b'a ti na tataninga kamaiuara iroun te UEA ma te nano ae rau.

Iotua 3:17

A nakonako aomata i nanon te Ioretan i aon te tano ae m'au. Ao a tei ibonga ma Ana Ati ni Berita te UEA i nukan te Ioretan i aon te tano ae m'au naba, ni kababaneia raoi aomata ni karokoia ni iteran te karaanga are teuana.

Iotua 3:3

ma n tuangiia aomata ni kaangai, “Ngkana kam nooria ibonga n uouota Ana Ati ni Berita te UEA ae Atuami, ao kam na baarongai ami b'ai ao kam na rimwiia nako.

Iotua 3:7

E taku te UEA nakon Iotua, “Ane ko nang karineaki irouia aomatan Iteraera ni baika N na karaoi n te bong aei, ao a na kakoauaa b'a I bon buokiko naba n ai arou naba ngke I buoka ngkoa Moote.

Iotua 3:9

Ao e taku Iotua nakoia Iteraera, “Nakomai ongora te b'ai ae E na taekinna te UEA ae Atuami.

Iotua 4:11

Ao ngke a bane raoi ni iteran te karaanga are teuana, ao a manga m'ananga ibonga ake a uota te Ati ni Berita n rimoaia aomata.