Iotua 3:3 - Te B'aib'ara

³ ma n tuangiia aomata ni kaangai, “Ngkana kam nooria ibonga n uouota Ana Ati ni Berita te UEA ae Atuami, ao kam na baarongai ami b'ai ao kam na rimwiia nako.

Iotua 3:3 Iomraidhean Croise

2.Tamuera 6:13

Ao a nakonako aomata onoua eutan waeia, ao i mwiina, Tawita e kareana te kaom'aane ao te kao ae e rineaki.

2.Tamuera 6:3

Ao a katokaa te Atiniberita i aon te kaa ae e boou ae e katikitikaki iroun te kaom'aane ao e waaki nako n ruo rikaaki mai aon te tabuki man ana auti Abinataba. Taani kaira te kaom'aane arei bon natin Abinataba m'aane aika Uta ao Aaio,

1.Uea 8:3

Ao a uota te Atiniberita, ma te Um'antabunrianna ao b'aina nako nakon te Tembora ibonga ma kanoan Rewi.

Ieremia 33:18

ao a teimatoa n reke ibonga man kanoan Rewi aika a na m'akuri n te baonikarea ao a na anga karea i bukin kakukureiau ao karab'aakiu.

Warekaia Iteraera 10:33

Ao a moana m'anangaia Iteraera man te Maunga are Tinai. A m'ananga i nanon tenibong, ao a rimoa kanoan Rewi ni kaira te m'ananga, ao a uouota te Atiniberita, n te aro b'a E aonga n tuangiia te UEA aia tabo ike a na katei maeka iai.

Warekaia Iteraera 4:15

Ngkana a nang m'ananga nako Iteraera ao kanoan Koata bon taani uouoti b'aai aika tabu, ma b'ain nanon te Um'antabunrianna. Ma a na kaman tia n rabuni baikai Aaron ma natina mm'aane, b'a a kaawa ni bo ma baiia kanoan Koata ao ni mate.

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Mataio 8:19

E roko te tia koroboki temanna, ao e taku nakon Iesu, “Te Tia Reirei, N na iririko nakon te tabo are Ko na nako iai.”

Te Tua-Kaua 31:25

ao i mwiina, e nakoia kanoan Rewi ake a uouota te Atiniberita ao e taku:

Te Tua-Kaua 31:9

Ao e koroi tuua ma reirei aikai ni kabane Moote ao e anganiia ibonga ma taani kairiiri i aoia Iteraera. A nako man te baronga are Rewi aomata aika taiani ibonga, ao a uouota te Atiniberita.

Iotua 3:4

A na kaota te kawai nakoimi b'a kam aki ataa tabuaiakan te tabo aei. Ma kam na aki kaania te Atiniberita; taua raroami mai iai tao te itera ni maire.”

Iotua 3:6

Ao e a manga tuangiia ibonga b'a a na rimoaia aomata ma te Ati ni Berita, ao a karaoa are a tuangaki.

Iotua 3:8

Tuangiia ibonga ake a uouota te Atiniberita b'a a na tei ngkana a roko ni kaneinein mataniwiin te Ioretan.”

Iotua 4:10

A tei ibonga i nukan te Ioretan ni karokoa banen raoi baike e tuangaki Iotua i roun te UEA b'a e na tuangiia tibun Iteraera b'a a na karaoi. Bon aikai ana mwioko Moote nakon Iotua. A kawaekoaia aomata akekei n ri nanon te Ioretan.

Iotua 6:6

E weteia ibonga Iotua ao e taku nakoia, “Anaa te Atiniberita ao a na rimoan te Atiniberita itiman mai i buakomi ma aia buu.”

Te Kaotioti 14:4

Te koraki aei bon ake a aki kam'araeaki irouia aine, b'a roronga ngaiia aika tuai ni bo ma aine. Boni ngaiia ake a irira te Tiibuteteei nako ike E nako iai. A a tia ni kamaiuaki mai buakoia kaain aonnaba, ao a riki b'a ana aomata te Atua ma te Tiibuteteei: ti te bo ngaiia ma moa n uaa ake a anga aomata nakon te Atua b'a ana b'ai.

1.Tamuera 6:15

Ao a korekorea te kaa are katikitikaki irouia maan tabeman aomata ao a kanaa te ai iai. A tiring taiani kao ao a kabuoki b'a taiani karea nakon te UEA. Ao i mwiin anne, a manga anga riki taiani karea tabeua.