Iotua 3:16 - Te B'aib'ara

¹⁶ ao e a rina naba n toki raangan te ran, ao a ikoikotaki n te iterana ni karokoa te kaawa are Atam are i rarikin Taretan. Ao e a bon toki raangan te karaanga rikaaki ni karokoa taari are mate, ao a kona aomata n roko i Ieriko.

Iotua 3:16 Iomraidhean Croise

Karikani B'aai 14:3

A kabooi nanoia uea ake niiman, ao a booti aia taanga n te m'arua are Tirim, are aranaki b'a Taari ae Mate n taai aikai.

1.Uea 4:12

Baana are natin Airuta te m'aane are e tararuai kaawa ake i Taanaka ao Mekito. E tararua naba te aba are i Beta-Tean ni bane are i rarikin te kaawa are Taretan, are i meangin Ietireera, mai Beta-Tean nako Abera-Meora nakon iteran Iokemeam are teuana.

1.Uea 7:46

i rarikin te karaanga are te Ioretan i marenan Tukota ma Taretan. E karaoi ni kab'aroa te buraonti ae kararaki nako nanon te b'ai ni kab'aro ae e karaoaki man te tano ae e ibe.

Taian Areru 114:3

E noria Taari are Uraura ao e biri nako; ao e toki raangan ranin te karaanga are te Ioretan.

Taian Areru 114:5

Taari, tera ae riki ngke ko biri nako? Ao ngkoe ae te Ioretan, e aera ngke e toki ranim n raanga?

Taian Areru 29:10

E tautaeka te UEA mai aon ana kaintokanuea b'a bon Ngaia Uean te ieka n aki toki.

Taian Areru 33:7

E boboti ranin marawa n te tabo ae ti teuana; E kain taiani marawa i nanon ruu.

Taian Areru 66:6

E kaoraa taari mani karikia b'a te aba ae m'auteretere; A nakonako ri nanon te karaanga ara bakatibu; Ti kukurei i rouna ngkekei i bukin ana m'akuri aika e a tia ni karaoi.

Taian Areru 74:15

Ko kaawa nako ranin taiani karaanga ma koburakenran; Ko kakeai ranin karaanga aika ab'ab'aki.

Taian Areru 77:19

Ko nakonako ri buakon naao; Ko ri nuukani kabini marawa, Ao a aki noraki m'anekam.

Taian Areru 78:13

E bwenaua taari, ao E kairiia ri nanona; E katei ranin taari n ai aron te o.

Te Otinako 14:21

Ao e arora nako baina Moote i aon taari, ao E uka taari ni kaokia te UEA n te angi mainiku ae korakora. E kare ni katoa tairiki n te aro are e a onika taari nakon te aba ae m'auteretere. Ao e bwenauaaki taari

Te Otinako 14:22

ao a nakonako Iteraera i nanon taari i aon te tano ae m'au, ao taari, a tei kaanga taian o n itera ake uoua.

Te Otinako 14:29

Ao Iteraera, a bon karauia n nakonako i taari i aon te tano ae m'au, ma taari aika a tei kaanga taian o n itera ake uoua.

Te Otinako 15:8

Ko uka aon taari, ao e a ikoikorake n rietaata te ran; e a teirake kaanga te o; ao e a tabe ni matoa kabin taari are te kabanea n nano.

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Etekiera 47:8

E taku te m'aane arei: E raanga te ran aei ni waerake nakon te karaanga are Ioretan ao e tii nako n Taari are Mate, ike e a manga onika iai ranna ae e taari nakon te ran ae e raoiroi.

Naum 1:4

E tua ao e ora taari. E kaorai taiani karaanga. A rai uteuten tawaanan Batian. Ao Maungan Karemera e bitaki nakon te buraun, Ao a b'ata ueen Reb'anon.

Ab'akuka 3:8

Karaanga aika a karika unim te UEA? Taari ae kakorakoraa Unim? Ko buti i aon naang; nangini buaka bon am kaa ni buaka, ngkana ko a uota te tokanikai nakoia am aomata.

Warekaia Iteraera 34:3

E na riki Rereuan Tin ao m'akoron Etom are maeao meang b'a tian te aba mai maiaki. E na moa te tia aei mai tabon Taari are Mate mai maiaki.

Te Tua-Kaua 1:1

Kanoan te boki aei bon ana taetaenikawai Moote ake e karaoi ngke a mena Iteraera n te aba are Moaaba. A boni kaemb'a i rarikin te tabo ae Tuba i nanon te rereua i mainikun te karaanga are Ioretan. E mena te kaawa are B'aran n iteran aia maeka are teuana, ao kaawa ake Tobera, Rab'an, Aterota, ao Ritaaba n iteraia are teuana.

Te Tua-Kaua 3:17

Tiaia mai maeao bon te Karaanga are Ioretan, are e moa mai meang man te Naman Kariraia n ruorikaaki nakon Taari are Mate i maiaki n toki i aan te Maunga are Bitika i mainikuna.”

Iotua 12:3

E reke naba i nanon abana m'aruan te Ioretan man te nama are Kariraia nako aiaki nako B'atemoti (i mainikun taari are mate) ni kaineta oin te maunga are Bitika.

Iotua 15:2

E moa tian abaia mai maiaki man tokin taari are mate mai maiaki,

Iotua 16:7

E a manga ruorikaaki mai Ianoa nako Atarota ao Naara, ni karokoa Ieriko ao n toki n te Ioretan.

Iotua 3:13

ao n te tai naba are a teboo iai waeia i mataniwiin te karaanga, ibonga ake a uouota Ana Ati ni Berita te UEA ae taua taekan aonnaba, ao e na toki raangan ranin te Ioretan, ao a na toki n raanga ma n ikoikotaki raan ake a raanga rikaaki n te itera are a raanga mai iai.”

Iotua 4:22

Kam na tuangiia rongorongoia Iteraera ngke a ri aon te tano ae m'au i nanon te Ioretan.

Iotua 5:1

Ao a ongo aia uea kaain Amora ni kabane ake i maeaon te Ioretan, ma aia uea naba kaain Kanaan ni kabane ake i mataniwiin taari are te Mereterenian, b'a E kaoraa te Ioretan te UEA i bukin karokoaia Ana aomata ni iterana, ao a bane ni maaku ma ni biu nanoia i rouia kanoan Iteraera.

Tani Motiki-taeka 7:22

Ao ngke a karaoa aei, ao te UEA e karikiia aia kairiribai b'a a na buutii aia kabaang i boni irouia ma ni buakaniia i boni irouia. Ao a kataia ni birinako aia kairiribai man aia kaemb'a. Ao a biri nakoni Kaawan Te Aroka are Te Aketia, nako Terera, ni karokoa mataniwiin te aba are abaia kaain te kaawa are Abera Meora are i rarikin Tabata.