Iotua 3:1 - Te B'aib'ara

¹ A utim'aaka Iotua ma aomatan Iteraera n te bong are i mwiina, a kiitana Titim nakon te Ioretan ni manga kaemb'a iai i m'ain ae a ri nanon te karaanga.

Iotua 3:1 Iomraidhean Croise

Karikani B'aai 21:14

Ao n te moaningabong are n te bong are i mwiina, ao Aberaam e angan Nei Aka tabeua te am'arake, ao te kun ni man ae on n te ran. Ao Aberaam e katokaa te ataei i nukan neierei, ao e a kanakoia. Ao e m'ananga nako neierei n tiotio nako i nanon te Rereua are Beerateb'a.

Karikani B'aai 22:3

Ao n te karangaina are i mwiina, ao e korokoroi ana aia Aberaam i bukin te karea, e katokai i aon te aati, ao e kaira Itaaka ma uoman ana toro. Ao a m'ananga nakon te tabo are E a tia n tuangnga te Atua.

Taian Areru 119:60

I kawaetataai, ao I aki iremwe, n tou mwin am Tua.

Ieremia 25:3

“Ai 23 te ririki ngkai man te moan tai are e uea iai Iotia, ao I a kaman tuangkami te b'ai are e tuangai te UEA. Ma kam tuai mani kan ongo.

Ieremia 26:5

I aki toki ni kaakanakoia Au burabeti b'a a na kab'arab'ara nako imi, ma kam bon aki kubariia naba. Ao ngkai I a kauringkami b'a ngkana kam aki moana ongotaekami i Rou,

Ieremia 7:13

I kataia n taetae nako imi ngke kam tabe ni karaoa te bure, ma kam aki kan ongo.

Mika 6:5

Au Aomata, kam na uring ana iango B'araka ngkoa are uean Moaaba, are e na karaoia nakoimi, ma ana kaeka B'araam nakoina are natin Beora. Kam na uring aromi ngke kam ri aon te karaanga are te Ioretan ngke kam m'ananga mai Titim nako Kirekara. Kam na uring ni kabane baikai ao kam na namakin Au m'akuri ni kamaiu i bukimi.”

Warekaia Iteraera 25:1

Ao ngke a katei maeka Iteraera i Aketia, ao a wenenibure tabeman mm'aane ma ainen Moaba.

Mareko 1:35

N te bong are i mwina, n te tai ae boni maan i m'ain otin taai, ao E uti, ao E oti nako, ao E nako n te tabo ae akea te maeka iai, ao E tataro iai.

Iotua 2:1

Ao Iotua e kanakoia uoman ana tib'aai ngke a kaemb'a i Titim, b'a a na tib'aaiakina aon Kanaan, ma e a moamoa riki te kaawa ae Ieriko. Ngke a roko n te kaawa, ao a nako ni kangainaa n ana auti ainen mataawa ae arana Nei Raaba.

Iotua 6:12

Ao e utim'aaka Iotua n te ingabong are i mwiina, ao a manga nakonako naba ni katobibia Ieriko te kauoua n tai n aroia naba arei; are a rimoa tautia ake taan kaawakiniia ibonga,

Iotua 6:15

Ao a utim'aaka ni kaarangainan te kaitibong, ao a manga m'ananga naba ni katobibia te kaawa ma n te tai ngkanne aei ai itiua te tai m'anangaia ni katobibia te kaawa. Bon ti aio te bong are a kaitiua iai te tai m'anangaia ni katobibia Ieriko.

Iotua 7:16

Ao e utim'aaka Iotua n te moaningabong are i mwiina ao e bootia barongan Iteraera ni kabane; te barongana imwin te barongana, ao te UEA E katebenakoa te baronga are Iuta.

Iotua 8:10

E utim'aaka Iotua n te bong are i mwiina ni bootia ana tautia. Ao e m'ananga ngaia ma ana mataniwi, ao ana tautia nako Ai.

Tani Motiki-taeka 20:19

Ao a kam'ainga aia kaemb'a tautian Iteraera nakon te tabo ae kaan ma Kibea.

1.Tamuera 17:20

Ao e ongotaeka Tawita iroun tamana. E utim'aaka n te ingabong are i mwiina ao katuka temanna b'a e na kaawakiniia taian tiibu; ao e katauraoi uotana ao e a nako. E roko n aia kaemb'a tautia ngke a tabe tautia ni baaireia nakon te bo ni buaka ma n tatakarua.