Iotua 24:31 - Te B'aib'ara

³¹ Ao a taromauriia te UEA aomata i nanon ana tai ni maiu Iotua. Ngke e a mate Iotua ao a bon teimatoa naba n taromauriia te UEA aomatan Iteraera i bukina ngke a bon maiu naba aia taani kairiri ake a bon noori naba Ana m'akuri ni kabane te Atua ake E a tia ni karaoi i bukiia Iteraera.

Iotua 24:31 Iomraidhean Croise

Karikani B'aai 14:10

Ao e onrake te m'arua arei n taian nib'anib'a n taa, ma ngaia are, ngke a kataia ni birinako uean Tootom ma Komora man te bo ni buaka, ao a b'aka i nanon taian nib'anib'a akekei; ao uea ake teniman, a reke birinakoia nakoni maunga.

2.Rongorongo 24:2

Ngke e bon maiu te ibonga are Ieoiata, ao e ongotaeka Ioati iroun te UEA ni karaoi baika a raoiroi.

2.Rongorongo 34:33

E kamaunai taian bouannanti ni kabane Iotia n te aba are Iteraera, ao e tuangiia aomata ni kabane i Iteraera b'a a na taromauriia te UEA ae te Atua n ti ngaia. Ao a aki manga tannako aomata mairoun te UEA ae Atuaia aia bakatibu ni kabane n ana tai n tautaeka Iotia ngke e uea.

M'akuri 20:29

I ataia b'a i mwin nakou ao ane a na roko i buakomi aomata aika ai aroia kameanti aika tiritiri, n aki karaua te ekaretia;

Te Tua-Kaua 11:2

Kam na uringa arona ngke E boaingkami, ao E aki boaiia ami ataei. Boni ngkami ake kam noora te UEA ngke E kamanenaa m'akana

Te Tua-Kaua 11:7

Kam bon noori ni matami korakoran m'aakan te UEA ni karaoi baikai ni kabane.

Te Tua-Kaua 31:29

I a kaani mate, ao I ataia b'a ae kam na aki tabe ngkana kam karaoa ae eti ke e bure, ao ane kam na aki ongotaeka iroun te UEA ma ni katoka maiuakinan te kawai are I a tia n tuangingkami b'a kam na maiuakinna. Ane na un te UEA, ao ane a na roko taian kangaanga iroumi.

I-Biribi 2:12

Ma ngaia aei, ngkami aika kam tangiraki i rou, kam aki toki n ongeaba, tiaki ti ngke I mena iroumi, ma ai moa ra riki ngkai I a raroa nako mai roumi. Kam na kekeiaki m'aaka, n ruru ni maku, b'a e aonga n reke raoi kamaiuami!

Tani Motiki-taeka 2:10

Ao i mwiin te tai ae aki maan, a mate kaain ana roro Iotua, ao a aki ataa te UEA te roro are i mwiina, ke a aki atai b'aai ni kabane ake E a tia ni karaoi te UEA i bukiia Iteraera ngkoa.

Tani Motiki-taeka 2:6

Ao e kakaonimaki Iotua Iroun te UEA. Ao a teimatoa ni kakaonimaki Iteraera iroun te UEA ni karokoa maten Iotua ngke ai 110 ana ririki ni maiu, i mwiin kanakoakiia Iteraera iroun Iotua b'a a na taua te aba ake a tia ni berita iai. E taunaki Iotua i abana i Timnata-ereti n aaba ake a tabukibuki ake i Eberaim i meangin te Maunga are Kaati. E ngae ngke akea Iotua, ao a bon kakaonimaki naba Iteraera nakon te UEA i nanon aia tai ni maiu koraki ake a tia ni kairiiri ma Iotua, ake a tia n noori baika a kamimii ake E a tia ni karaoi te UEA i bukiia Iteraera.