Iotua 24:25 - Te B'aib'ara

²⁵ Ao e karaoa te boraraoi Iotua i bukiia aomata ma te UEA n te bong arei, ao e anganiia taian tua ma kawai ake a na riai n iri nanoia.

Iotua 24:25 Iomraidhean Croise

Karikani B'aai 35:4

Ma ngaia are, a angan Iakob'a antiia ianena ni kabane ake i rouia, ao taian ruberube ake i taningaia. Ao e tauni i aan te Oke are i rarikin Tekem.

2.Uea 11:17

Ao Ieoiata are te ibonga, e bubutiia Ioati, ao aomata b'a a na berita b'a a na kakaonimaki bon nakoia n tatabemaniia, ao nakon te UEA.

2.Rongorongo 15:12

A karaoa te berita ae e matoa b'a a na taromauriia te UEA ae te Atua are e a tia n tataromauriaki irouia aia bakatibu,

2.Rongorongo 15:15

A bane ni kukurei aomata nako i bukina ngke a tia ni karaoa te berita ae e matoa aei, ao ni kabooani mwiin anne, E kakab'aiaia te UEA n anganiia te rau mairouia aia kairiribai.

2.Rongorongo 23:16

E buubuti Ieoiata nakon te uea are Ioati ao aomata b'a a na iria ni kakaonimaki nakon te UEA. Ao a kariaia,

2.Rongorongo 29:10

Ma ngaia are, I a tia n baaireia b'a ti na manga kabooua ara boraraoi ma te UEA ae Atuan Iteraera. E na mena ngkoa ao e a ti toki naba iai unna iroura.

Neemia 9:38

Ma ngaia are, e a karaoaki te berita ae e kab'aataki irouia taani kairiiri, kanoan Rewi, ao taiani ibonga.

Te Otinako 15:25

Ao e kakorakora n tataro Moote nakon te UEA, ao E kaota te m'akoro ni kai te UEA nako ina, ao e karenakoa te kai Moote nako nanon te ran; ao e a riki naba ni mam te ran arei. Ao te UEA, E anganiia ikekei taian tua are a na maiuakinna, ao E boni kataia naba ikekei

Te Otinako 24:3

Ao e anga taian tua Moote nakoia aomata ao a berita ni kaangai, “Ti na karaoi b'aai nako akana e a tia ni mwiokoira iai te UEA!”

Te Tua-Kaua 29:1

Ma ngaia are, e a kabanea ana taetae Moote i bukin tuangakiia aomata te b'ai ae a riai ni karaoia i bukin kaawakinan te boraraoi ma te UEA are E karaoia nakoia i Moaaba, are bon raon are E a tia ni karaoia te UEA n te Maunga are Tinai.

Iotua 24:1

E a bootia barongan Iteraera ni kabane Iotua i Tekem. E weteia unim'aane ma taan kairiri, ma taan moti, ma b'akuakun Iteraera ni kabane b'a a na ikotaki i matan Ana Ati ni Berita te UEA.

Iotua 24:26

Ao e koroi tuua aikai Iotua n ana boki n tua te Atua. Ao i mwiina e katea te atiibu ae buubura i rarikin um'an te UEA i aan te aroka ae te oke.