Iotua 24:18 - Te B'aib'ara

¹⁸ Ao ngke ti niniia te aba, ao E kakioia nako taian Amoraite mai m'aaira ake a maeka ngkoa ikai. Ma ngaia are ti bon riai ni beku i bukin te UEA b'a bon ti Ngaia Atuara.”

Iotua 24:18 Iomraidhean Croise

Taian Areru 116:16

I neboiko, te UEA; n ai aron are kakaraoia tinau. Ko a tia ni kamaiuai man te mate.

Te Otinako 10:2

ao ko aonga naba ni konaa n tuangiia ami ataei ma tibumi arou ni kaburababaia kaain Aikubita ngke I karaoi taian kakai. Ane kam na bane n ataia b'a bon te UEA Ngai.”

Te Otinako 15:2

Bon otangau ae matoatoa te UEA; boni Ngaia ae E a tia ni kamaiuai. Bon Atuau, ao N na neboia, Bon Tamau te Atua, ao N na anenea korakorana.

Te Otinako 23:31

N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.

Mika 4:2

Ao a kaangai aomata, “Ti a rierakea ana tabuki te UEA, are e mena iai ana Tembora Atuaia Iteraera, b'a E na reireiniira baika E tangirira b'a ti na karaoi. Ti na nakonako i nanon kawai ake E a tia n rinei. A roko ana taeka n reirei te UEA mai Ierutarem, ao E taetae nakoia ana aomata mai Tion.”

Tekaria 8:23

Ane a na taua bain te I-Iutaia tengaun aomata man botannaomata aika a kakaokoro aia taetae ao a na kaangai, “Ti na iriko. Ti a tia n ongo b'a E tei Atuami i bukimi.” Bon aei Au taeka Ngai ae te UEA ae Moan te M'aaka!

M'akuri 7:45

Rimwi riki, ao a anganaki ara bakatibu um'an te Atua irouia aia ikawai, ao e uotia Iotua ma ngaiia ngke a nako n taua te aba b'a abaia mairouia botannaomata ake E kakioia nako te Atua b'a a na aki tiku i m'aaia ara bakatibu; ao e tiku um'an te Atua ikekei ni karokoa ana tai n uea Tawita,

Te Tua-Kaua 10:21

Aanga ami nebonebo nakoina, b'a kam a tia n nooria ni karaoi kakai aika kakamaaku i bukimi.

Te Tua-Kaua 33:27

Nnera ni karabaira te Atua ae akea tokina; E uotiira ni baina. Ngkana E tuangkami te UEA b'a kam na tiringiia ami kairiribai, ao ane E na kabirinakoia mai m'aaimi.

Iotua 23:9

E a tia te UEA ni kamumuniia nako botannaomata aika a korakora mai i m'aaimi, ao bon akea ae konaa n tei ni kaaitarai ngkami.

Iotua 24:17

E kaotinakoia tamara ao E kainaomataira naba man te tautoronaki i Aikubita, ao ti bon noori kakai ake E karaoi. Ao E kaawakiniira naba mai rouia botannaomata ake ti rirarikiia i nanon ara tai ni m'am'ananga n te tai teuana ma teuana.

Iotua 24:19

E taku Iotua nakoia, “Tiaki te b'ai ae beebete te kakaonimaki nakon te UEA, b'a bon te Atua ae tabu ae tangira te kakaonimaki. E aki manga kab'araa ana bure ane e aki kakaonimaki nakoina.