Iotua 24:16 - Te B'aib'ara

¹⁶ Ao a kaeka aomata ni kaangai, “Ti na bon aki kona ni kiitana te UEA ni manga onimakiniia anti tabem'aang!

Iotua 24:16 Iomraidhean Croise

Taian Areru 119:106

I a tia ni kab'aka au taeka, ao N na kakoaua b'a N na tou mwin am Babaire aika raraoi.

I-Rom 3:6

E bon aki! B'a ngke e aki eti aron te Atua, ao E na iranna ni motika taekan te aonnaba?

I-Rom 6:2

Ti na aki. Ti a tia ni mate nakon te bure, ao ti na kanga ni manga uti i nanona?

Iotua 22:29

Ti bon aki konaa n tannako mai roun te UEA ni manga katea te baonikarea teuana ae kaanga ai aron te baonikarea i bukin te angakarea ke te angab'ai. Ti bon aki kona ni karaoa riki teuana i rarikin Ana baonikarea te UEA ae Atuara are i matan um'ana are tabu.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

Iotua 24:17

E kaotinakoia tamara ao E kainaomataira naba man te tautoronaki i Aikubita, ao ti bon noori kakai ake E karaoi. Ao E kaawakiniira naba mai rouia botannaomata ake ti rirarikiia i nanon ara tai ni m'am'ananga n te tai teuana ma teuana.

1.Tamuera 12:23

Ngkana I katoka au tataro i bukimi, ao I aki ongotaeka iai nakon te UEA! N na reireiningkami n taai nako aromi ni maiuakina te raoiroi.