Iotua 24:14 - Te B'aib'ara

¹⁴ E a manga taku riki Iotua, “Ma ngaia ae ngkai, kam na karinea te UEA, tooro i rouna ma te koaua ao te kakaonimaki. Tai manga taromauriia anti n aroia ami bakatibu ngkoa i Metobotamia ao i Aikubita. Ma kam na taromauriia te UEA n ti ngaia.

Iotua 24:14 Iomraidhean Croise

Karikani B'aai 17:1

Ao ngke ai ruabwi ma ruaiwa ana ririki ni maiu Aberam, ao E kaoti te UEA nakoina ao E taku, “Boni Ngai te Atua ae Moan te M'aaka. Ongotaeka i Rou, ao kakaraoa te raoiroi n taai nako.

Karikani B'aai 35:2

Ao e taku Iakob'a nakoia ana utu ma aomata ni kabane ake a mena i rarikina, “Kanakoi antiia ianena akana a mena i roumi; kaitiakingkami, ao karin i aomi kunnikai aika itiaki.

2.Uea 20:3

Tai m'aninga te UEA are I a tia ni kakaonimaki nakoim. I a tia n ongotaeka iroum ma nanou ni kabane, ao I karaoi b'aai ni kabane ake Ko tuangai. Ao i mwiin arei ao e a tang ni korakai Etekia.

Etira 9:11

ake ti anganaki mairouia am toro ake burabeti. A taku b'a e onrake te aba are ko anganiira irouia aomata aika a buakaka ma ni buubure, aika a teimatoa ni kaakaraoi b'aai aika a bati n ribaaki.

Iobi 1:1

N ririki aika b'akanako, te aomata ae arana Iobi e maeka n te aba are Uti. Bon te aomata ae moan te raoiroi, ao e raarawa ni karaoa te m'akuri ae buakaka.

Iobi 28:28

E taku te Atua nakon te aomata, “Ngkana ko tangiria ni wanawana, ao ko riai n anga te karinerine nakon te UEA. Ngkana ko kan atatai, ao ko na rairaki nako man te buakaka.”

Taian Areru 111:10

Ongeaba ao karinea te UEA! Bon aio te moani m'aneka nakon te wanawana ma te iango ae raoiroi. E na teimatoa ni karineaki te Atua.

Taian Areru 119:1

A kab'aia akana a moa n raoiroi aroia, akana ongeaba nakon ana Tua te UEA.

Taian Areru 119:80

E bia moan te kororaoi ongeabau nakon am Tua, B'a I aonga n aki mamaa.

Taian Areru 130:4

Ma Ko kab'ara ara bure, ma ngaia ae ti na taromauriko.

Taian Areru 81:10

Bon te UEA Ngai ae Atuam, ae I kairiko ni kaotinakoko mai Aikubita. Kaurea wiim ao N na kaam'arakeko.

Etekiera 20:18

Ma ngaia are, I kauringiia ataei b'a a na aki karaoa aron are a karaoia aia karo ke ni katotoong aia m'akuri aika a buakaka ke n taromauria aia bouannanti nako.

Etekiera 23:3

Ngke a uarereke ngke a maeka i Aikubita, a riki b'a ainen mataawa.

Otea 3:5

Ma rimwi, e a rairaki n oki Iteraera nakon te UEA ae Atuaia ao nakon Tawita are aia uea. N te tai anne, a na roko iroun te UEA ma te maaku ao te ruru, ao E na karaoa ae e raoiroi nakoia.

Nakoaia Ibonga 17:7

E riai ni kakaonimaki te I-Iteraera n toki man titiringan ana karea are e kaakarean nakon antin te kooti. E na kawakina te tua aei te I-Iteraera ni karokoa taai aika a na roko.

Mika 6:8

Bon tiaki ngaia anne, E a tia n reireiniira te UEA ataakin ae e raoiroi. Aikai baika E tangiri te UEA mairoura: Ti na karaoa ae e eti, ti na kaota te tangira ae e teimatoa, ao ti na iraorao ma Ngaia ma te nanorinano.

Ruka 8:15

Ao i bukiia ake n te tano are raoiroi, akanne bon te koraki ake a ongo te taeka ao a taua ni kamatoa ma te nano ae koaua ae raoiroi, ao a kariki uaa i bukin aia taotaonaki n nano.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

2.I-Korinto 1:12

B'a aio kamoamoara, ao ana kaotioti mataniwin nanora: b'a n arora ni maiu n te aonnaba aei, ao ai moa ra riki n arora nako imi, ao ti a tia ni b'aina te maiu ae tabu ae itiaki are mairoun te Atua, tiaki n te rabakau n aon te aba, ma n ana akoi te Atua.

I-Ebeto 6:24

E na mena te akoaki irouia aomata ni kabaneia ake a tangira ara UEA are Iesu Kristo n te tangira ae akea tokina.

Te Tua-Kaua 10:12

Kaain Iteraera, tera te b'ai ae tangiria te UEA mairoumi? E tangiria te UEA b'a kam na karinea ma n iria, ao n tangiria ma ni m'akuri i bukina ma nanomi ao tamneimi ni kabane,

Te Tua-Kaua 18:13

Kam na aki bure ni karaoa te m'akuri teuana mai buakon baika a ribaaki aikai.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

I-Biribi 1:10

B'a kam aonga ni kona n rinei baika moa n raraoi, ao kam na itiaki ma n aki kabuakakaki n te bong are E na roko iai Iesu,

Iotua 24:2

Ao e taku Iotua nakoia aomata ni kabane, “Aikai Ana taeka te UEA, A taromauriia anti tabem'aang ami bakatibu ngkoa ngke a maeka n iteran te karaanga are Iuberetiti, are i mainiku. Ao ami bakatibu anne bon teuare Tera, are taman Aberaam ma Naora.

Iotua 24:23

Ao e a manga taku Iotua, “Ao kam riai ni kamaunai ngkai anti ianena aika i roumi, ao kam na berita b'a kam na kakaonimaki nakon te UEA ae Atuaia Iteraera.”

1.Tamuera 12:14

Ngkana kam tangiria ni kan riki b'a taan ri mwiin ami UEA, ao kam na tataromauria ao karaoa te b'ai ane taekinna. Kam na aki taningabono!

1.Tamuera 12:24

Kam na riai n ongotaeka iroun te UEA Kam na riai n taromauriia ma nanomi ni kabane, ao uringi b'aai ni kabane aika ab'ab'aki ake E a tia ni karaoi i bukimi.

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”