Iotua 24:1 - Te B'aib'ara

¹ E a bootia barongan Iteraera ni kabane Iotua i Tekem. E weteia unim'aane ma taan kairiri, ma taan moti, ma b'akuakun Iteraera ni kabane b'a a na ikotaki i matan Ana Ati ni Berita te UEA.

Iotua 24:1 Iomraidhean Croise

Karikani B'aai 12:6

Ao e m'ananga Aberam ni karokoa a roko n te Oke ae tabu are ana Oke More, are e mena n te tabo ae tabu are i Tekem. (A maekana te aba aei aomatan Kanaan n taai aikai.)

Karikani B'aai 35:4

Ma ngaia are, a angan Iakob'a antiia ianena ni kabane ake i rouia, ao taian ruberube ake i taningaia. Ao e tauni i aan te Oke are i rarikin Tekem.

1.Uea 12:1

Ao e m'ananga nako Tekem Reoboam ike a babane n tataninga iai aomata b'a a na kauea.

2.Uea 23:1

Ao e botiia taani kairiiri ake a unim'aane Iotia mai Iuta ao Ierutarem.

M'akuri 10:33

Ma ngaia are, I a kanakoia naba aomata nako im; ao iai nanom ae e raoiroi b'a ko roko. Ma ngaia ae ti bane ni mena ikai i matan te Atua, b'a ti na ongora ni b'aai ni kabane ake ko tuangaki mairoun te UEA.”

Te Tua-Kaua 29:9

Kaain Iteraera, E a tia te UEA ni karaoa te boraraoi ma ngkami, ao ngkana kam kaawakina tib'angami, ao kam na tetekeraoi ni b'aai ni kabane akana kam karaoi.

Iotua 20:7

Ma ngaia are Iteraera a rinei tenua kaawa ni kamauri i maeaon te karaanga are te Ioretan. Aikai kaawa akanne: Keteti i Kariraia n aaba ake a tabukibuki i Nabetari, Tekem n aaba ake a tabukibuki i Eberaim, ao Eberon n aaba ake a tabukibuki i Iuta.

Iotua 23:2

Ma ngaia are e a weteia Iteraera ni kabane, ana unim'aane ma ana taan kairiri ao ana taan moti ma ana b'akuaku ao e taku nakoia, “I a rangi ni kara ngkai.

Tani Motiki-taeka 20:26

Ao a nakon te tabo n taromauri Iteraera i Betaera, te tabo ike e kaawakinaki iai te Atiniberita. A tekateka i aon tano, ao a tang ma n aki am'arake ni karokoa te bong. Ao ngke e nang bung taai, ao a angakarea nakon te UEA ao a bubutiia Ana kakab'aia. Ao e tataro Bineati are te ibonga ni kaangai, Ara UEA, bon ara koraki kaain te baronga are Beniamin. Ti nang katoka buakanakiia, ke ti na buakaniia riki? Ao E taku te UEA, Buaka, ao N na katokanikaingkami nakon te ingabong.

1.Tamuera 10:19

E a tia te Atua ni kamaiungkami man taiani kangaanga ma taiani kabuanib'ai. Ma kam a tia ni kamoamoaingkami nakon Atuami ma n bubuti karekean ami uea. Ma ngaia ae ngkai, kam na bane ni kaaningkami baronga ma kaainga n tatabeua nako nakon te tabo n taromauri b'a E aonga n rinea te uea te UEA.