Iotua 23:4 - Te B'aib'ara

⁴ I a tia n angan ami baronga nako aaba ni moa man te karaanga are te Ioretan are i mainiku nako taari are te Mereterenian are i maeao. I a tia n anganingkami abaia botannaomata ake ti a tia ni kataenikaia, ao abaia naba botannaomata ake a tuai taenikai i roura.

Iotua 23:4 Iomraidhean Croise

Taian Areru 105:11

Ngke e kaangai, “N na anganiko te aba are Kanaan, b'a tib'angami ae kam na abanna.”

Taian Areru 78:55

E kakioia nako kaain te aba mai m'aaia; E tib'ai abaia nakoia barongan nako Iteraera, Ao E anga mwengaia b'a a na maeka iai ana Aomata.

Te Otinako 23:30

N na bon kakioia nako ami kairiribai teutana i mwiin teutana ao n angan abami ana tai ni karikirakea korakorana n taua te aba.

Teb'ania 3:6

E taku te UEA, “I a tia n teweia nako botannaomata. I a tia ni kamaunai aia kaawa, ao a tiku n uruaki aia oo ma aia taua. E a riki n rereua aia kaawa; a akea kaain te kaawa-bon akea nikiraia.

Te Tua-Kaua 12:29

Iteraera, ngkana kam nakon te aba ma ni buakaniia botannaomata ake ikekei, ao E na kamateia te UEA ao kam na kona n anaa abaia.

Iotua 13:2

Aika abaia I-Biritia, ma Keturaite,

Iotua 18:10

Ao e karaoa te katekeraoi Iotua i bukin kakaean nanon te UEA i bukin tib'aakin te aba arei nakoia nikiraia aomatan Iteraera.

Tani Motiki-taeka 2:21

ma ngaia are, N na katoka buokaia b'a a aonga n aki kataenikaiia aia kairiribai. Ao a bon rangi ni m'aiti naba aia kairiribai Iteraera ngke e mate Iotua,