Iotua 23:2 - Te B'aib'ara

² Ma ngaia are e a weteia Iteraera ni kabane, ana unim'aane ma ana taan kairiri ao ana taan moti ma ana b'akuaku ao e taku nakoia, “I a rangi ni kara ngkai.

Iotua 23:2 Iomraidhean Croise

1.Uea 1:1

E a bon rangi ni kara ngkai te uea are Tawita, ao e a rangi ni mamariri e ngae ngkana e rabunaki ni burangketi aika a rawata.

1.Uea 8:1

E kaawakinaki ngkoa te Atiniberita i aon te Maunga are Tion are e ataaki naba n arana are Ana Kaawa Tawita. Ma e tangiria Toromon b'a e na kam'ainga te Atiniberita nakon te Tembora ngke a bane ni mena aomata i Ierutarem ni bukamarua te Toa ae M'anganikaai i nanon te nam'akaina are Etanim, te kaitiua n nam'akaina n te ririki. Ao e botiia taani kairiiri aika a kakannato i aon Ierutarem Toromon.

1.Rongorongo 23:2

Tabeua te tai i mwiina, ao e weteia taani kairiiri Tawita mai aon Iteraera, ma ibonga, ao kanoan Rewi.

1.Rongorongo 27:27

Te tia tararua te nnenaroka i bukin te kureebe bon Timei are kaain Ram'a, ao Taberi are kaain Tibema boni ngaia are e tararua te ruunib'ain.

1.Rongorongo 28:1

E tewea aia boowi taani kairiiri i aon Iteraera Tawita i Ierutarem, n reitaki ma Taani kairiiri man taiani baronga, mataniwin te tautaeka, taani kairiiri n te taanga ni buaka, mataniwi ake taan tararua ana b'ai te uea ao ana man, mataniwi n te bareti, ao taani buaka aika a ninikoria.

Te Tua-Kaua 31:28

Ma ngaia are, kam na weteia taani kairiiri ma aia aobitia barongan Iteraera, b'a N na uota te boki aei ma ni wareki taekana ni kabane nakoimi, ao N na wetea karawa ma aonnaba b'a taani kakoaua b'a kam atai b'aai ni kabane aika kam kantaningaaki b'a kam na karaoi.

Iotua 13:1

Ngke e a rangi ni kara Iotua ao E taetae te UEA nakoina ni kaangai, “Ko a rangi ni kara ao a m'aiti aaba ake a tuai man reke i roum.

Iotua 23:3

Kam a tia n noori b'aai ni kabane aika E karaoi te UEA nakoia botannaomata aika kam rin i buakoia. E a tia ni buaka te UEA ae Atuami i bukimi.

Iotua 24:1

E a bootia barongan Iteraera ni kabane Iotua i Tekem. E weteia unim'aane ma taan kairiri, ma taan moti, ma b'akuakun Iteraera ni kabane b'a a na ikotaki i matan Ana Ati ni Berita te UEA.

1.Tamuera 12:2

Kam a tia n noora aron kairakimi i rou ni moa man te tai are I rorobuaka n ataei iai. I a boni kara, a iaia iran atu, ao a ikawai natiu m'aane. Ao ngkai kam nang noora raoi aron kairakimi iroun ami uea.