Iotua 23:13 - Te B'aib'ara

¹³ ao E na bon aki manga kakioia nako botannaomata aikai mai m'aimi te UEA ae te Atua ngkana kam buakaniia. Ma ana riki b'a b'aai aika a na kakamaaku nakoimi n ai aron te kaini kab'aru ma te abea. Ao a na riki naba b'a b'aai aika a kammaraki n aron te kainikataere i nuukami ao te kateketeke i nanon matami, ao e na teimatoa n riki aei nakoimi ni karokoa banemi man te aba aei, ae E a tia n anganingkami te UEA ae Atuami.

Iotua 23:13 Iomraidhean Croise

1.Uea 11:4

Ao ngke e a kara Toromon, ao a kairiia tabem'aang b'a e na taromauri antiia. Bon tiaki aron tamana are Tawita, are e bon ti tataromauria te UEA ae te Atua.

2.Uea 17:18

E a rangi ni maraki nanon te UEA irouia Iteraera, ma ngaia are, E a kariaia b'a a na uotaki nako b'a taenikai. Bon ti aomata ake a maeka i Iuta aika a tiku,

2.Uea 17:20

Ma ngaia are, E a tannako te UEA mairouia Iteraera ma Iuta ni kabaneia, ao e karikiia b'a a na katuaaeaki ma ni kookonaaki ni karokoa bon akea temanna nikiraia.

2.Uea 25:21

i rarikin Amata, ike e a tiringiia iai Nebukaneta. A aki manga maeka n oin abaia kaain Iuta.

2.Uea 25:26

I mwiin anne, ao a bane aobitia n te taanga ni buaka ma aomata ake i Mitib'a ake a kakannato ma ake a aki maaku n te b'ai ae e nang karaoia B'aburon. Ma ngaia are, a kiitana Iuta ao a nako Aikubita.

Taian Areru 69:22

Ngkana a am'arake n tain te baka n am'arake, ao a bia m'aane n ai aroia mannikiba aika m'ane n te b'ai ni kam'am'ane.

Te Otinako 10:7

Ao a taku ana mataniwi te uea nako ina, “E na maan ra ana tai te mm'aane aei ni kaakarokoa te kangaanga nako ira? Ani kanakoia Iteraera, b'a aonga ni konaa n taromauria te UEA ae Atuaia. Ko tuai namakinna ae e urubekebeke Aikubita?”

Te Otinako 23:33

Kam na aki katikuia i abami. B'a ane ana kam'aneingkami iai ni karaoi buure aika a kaitaraai ao kam na taromauriia antiia iai.

Te Otinako 34:12

Kam na aki karaoa te iraorao ma temanna mai buakoia aomata aikai. Ngkana kam karaoa anne, ao e na riki b'a te m'aruarua ni kam'ane.

Te Otinako 34:16

Ane a na mare ami mm'aane ma aia aine ma ni kakairi n taromauriaia antiia.

Etekiera 28:24

Ngkana e riki anne, ao ane a na aki manga iowawa kaawa akana i rarikin Iteraera aika a kabuakakaia ao a karikiia b'a a na namakinna b'a kaanga a mena ni katawanangin kaai aika kateketeke ma akanta. Ao a na ataai Iteraera b'a boni Ngai ae te UEA ae te Atua ae I karaoi baikai.

Warekaia Iteraera 33:55

Ngkana kam aki kakioia nako aomata ni kabane akekei, ao ane a na riki b'a kaanga taian kai aika kakang i nanon matami, ao taian m'akei i nuukami. Ao ane a na riki b'a ami kanganga n taai nako,

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Te Tua-Kaua 30:18

Ngkana kam ongotaeka nakoina, ao kam na maiu ma ni riki n tetekeraoi ao ni korakora. Ma, ngkana kam n rinea te aki ongotaeka ao te raarawa nakon te UEA, ma ni bobaraaki n taromauriia atua tabeman, ao I kauringkami, b'a a na aki ananau maiumi.

Te Tua-Kaua 7:16

Ngkana E buokingkami te UEA ni kataenikaiia ami kairiribai, ao kam na riai n tiringiia n aki manga nanoangaiia. Ao kam na aki m'ane ni manga taromauri atuaia.

2.Timoteo 2:26

ao tao a na oki aia iango iai, ao a na maiu man ana b'ai ni kam'am'ane te riaboro, ngkai a tia n tauaki i rouna b'a konana ake e karaoia b'a a na karaoa nanona.

Tani Motiki-taeka 2:21

ma ngaia are, N na katoka buokaia b'a a aonga n aki kataenikaiia aia kairiribai. Ao a bon rangi ni m'aiti naba aia kairiribai Iteraera ngke e mate Iotua,