Iotua 22:9 - Te B'aib'ara

⁹ Ma ngaia are a teirake n nako baronga ake Reuben ma Kata ao Manate mainiku mai i buakoia aomatan Iteraera ngke a mena i Tiro n te aba are Kanaan, b'a a nang okiri abaia are n te aba are Kireata are e anganiia Iotua n ai aron Ana mwioko te UEA nakoia i roun Moote.

Iotua 22:9 Iomraidhean Croise

2.Tamuera 2:9

ao e karikia b'a te uea i aon Iteraera, Ietireera, Eberaim, ao Beniamin.

1.Rongorongo 5:9

ao ni waerake nakon te rereua i maeaon te Karaanga are te Iuberetiti. A tangira te aba ae e buubura n aron aei i bukina ngke a rangi ni m'aiti aia nanai ni man aika a na kaawakin i Kireata.

Taian Areru 60:7

Bon abau Kireata, ao abau naba aban Manate; otangan atuu Eberaim, ao Iuta ai aroni m'akau n tautaeka.

Warekaia Iteraera 32:1

Ao a rangi ni m'aiti aia nanai ni kao ao n tiibu baronga ake Reuben, ao Kata, ao a nooria b'a a rangi n raraoi uteuten te aba are Iatera ma te aba are Kireata.

Warekaia Iteraera 32:20

Ao E taku Moote: Kam bon berita b'a kam tauraoi ni buaka i bukin te UEA.

Warekaia Iteraera 32:22

ao ngkana E tia te UEA ni buokiia Iteraera n taui aaba, ao kam a kona ngkanne n okira abami ngkana kam tangiria.

Warekaia Iteraera 32:26

A na tiku buura ma natira ao ara tiibu ma ara kao ikai ni kaawan Kireata.

Warekaia Iteraera 32:29

“Kam riai ni kakoaua raoi b'a a tauraoi n iringkami nakon te buaka ma n ri aon te karaanga are te Ioretan te baronga are Reuben ma Kata. B'a ngkana a karaoa anne, ao ngkana kam a tia taui aaba nako, ao kam na anganiia te aba are Kireata b'a aban aia baronga.

Te Tua-Kaua 3:18

Ao I kaangai nakoia m'anen baronga aikai Reuben, Kaata, ao Manate Mainiku: E tuangai te UEA ae Atuara b'a N na anganingkami te aba aei ma kaawa, ao I a tia ni karaoa anne. A kona n tiku ikai buumi ma natimi ma ami nanai n tiibu ao kooti aika bati, ao ami nanai ni kao aika bati. Ma ngkami m'aane ake kam kona ni ira te taanga ni buaka kam na ri nanon te Karaanga are te Ioretan ni buokiia baronga ake tabeua, i bukina ngke bon ami koraki.

Te Tua-Kaua 3:20

E na karaoia te UEA b'a a na taenikai botannaomata irouia ake aia kairiribai ake mai maeaon te Karaanga are te Ioretan ma n taua abaia. Ao i mwiina, kam kona n okira ikai nakon te aba ae I a tia n anganingkami.

Te Tua-Kaua 34:1

Ao i mwiin tabeua te tai, ao e kiitan aaba ake a rinano ake i Moaaba Moote. Ao e waerake man te Maunga are Bitika nako taubukin te Maunga are Nebo, are e mena n iteran te Karaanga are Ioretan ni kaaitaraa Ieriko. Ao E kaotii taian aba ni kabane nakoina ni karokoa Kireata i meang ma te kaawa are Taan.

Iotua 13:11

Ni ikotaki naba ma te baronga are Kireata, ma aban nako Keturi, ma Maakata, te maunga are Oman ni kabane, ma Batian ni kabane ni karokoa Tareka.

Iotua 13:25

A reke i nanon abaia te baronga are Kata kaawa aika: Iatera, ma kaawan Kireata ni kabane ma iteran abaia I-Ammon n toki i Aroera, are i mainikun Raab'a,

Iotua 13:31

Ao Moote e angan kaaingan iteran te baronga are Manate, ake kanoan Makira are natin Manate abaia are iteran Kireata ma kaawa aika Atiterota ma Eterei are atuun ana tautaeka te uea are Oka i Batian.

Iotua 22:10

Ao ngke a roko i Kirerota baronga ake Reuben, ma Kata, ao Manate mainiku, ao a katea te baonikarea ae buubura i mataniwiin te karaanga; bon i maeaon naba te Ioretan.

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?

Tani Motiki-taeka 5:17

A tiku kaain Kireata ni iteran te Karaanga are te Ioretan. E aera kaain te baronga are Taan ngkai a tiku i aon aia kaibuke ao kaain te baronga are Atera a tiku i mataniwiin taari i rarikin taiani matabaiawa?