Iotua 22:28 - Te B'aib'ara

²⁸ Ma ngkana arona b'a kam taekina aei nakoira ke nakoia ara kariki rimwi, ao ti na kona ni kabooa ni kaangai, “Ao tera te baonikarea ae a karaoia ara ikawai. Tiaki i bukin te angakarea ke te angab'ai ma bon te b'ai ni kauring nakoira ma ngkami b'a ti riai n taromauriia te UEA.

Iotua 22:28 Iomraidhean Croise

Karikani B'aai 31:48

Ao e taku Raab'an nakon Iakob'a, “A na riki atiibu aikai b'a taian b'ai ni kauring nakoira ni kauoman.” Ao bon anne bukina ngke e aranaki te tabo arei b'a Kareeta.

2.Uea 16:10

Rimwi riki, e m'ananga Aati nako Tamateko ni kawara Tikerata Biretia. Ao ngke e mena Aati ikekei, ao e noora te baonikarea, ao e kaoka katotoona nakon Uria are te ibonga ma kaetieti i bukin katean teuana.

Te Otinako 25:40

ao a na riai ni karaoia ni kaineti ma te tamnei are I kaotia nako im i aon te maunga.

Itaia 19:19

E na kateaki te baonikarea i bukin te UEA i nuukan Aikubita; ao e na kateaki te baangota i bukin karineana i aon tian te aba.

Ebera 8:5

Te m'akuri n ibonga are a karaoia bon ti katotongan ao nun are i karawa. Bon ti te bo ma are riki nakoni Moote. Ngke e nang katea te Um'antabunrianna, ao E kangai te Atua, “Ko na taraia b'a ko na karaoi b'aai ni kabane n ai aron te b'ai ni kakairi are kaotaki nako im i aon te maunga.”

Iotua 22:27

ma ti karaoa aei b'a te kanikina i marenara ma ngkami, ao ara kariki ma ami kariki rimwi ni kaotia b'a ti teuana arora n taromauriia te UEA i nanoaan um'ana are e tabu, ma ara angakarea ma ara angab'ai. E na riki te baei b'a te kakoaua b'a ana aomata naba te Atua ngaira ma ngkami.

Iotua 22:29

Ti bon aki konaa n tannako mai roun te UEA ni manga katea te baonikarea teuana ae kaanga ai aron te baonikarea i bukin te angakarea ke te angab'ai. Ti bon aki kona ni karaoa riki teuana i rarikin Ana baonikarea te UEA ae Atuara are i matan um'ana are tabu.

Iotua 24:27

Ao e taku nakoia aomata, “E na riki te atiibu aei b'a te tia kakoaua, b'a e a tia n ongo b'aai ni kabane ake E taekin te UEA nakoira. Ao e na riki b'a te tia kakoaua ni kaoti ara bure nakon te UEA.”