Iotua 22:22 - Te B'aib'ara

²² “Ti bon kaotia ma te koaua i matan te UEA ae te Atua ae m'aaka ae ara tia kakoaua. E ataa bukin karaoan aei iroura, ao ti bon tangiriia naba aomatan Iteraera b'a a na ataa bukin karaoan aei iroura.

Iotua 22:22 Iomraidhean Croise

1.Uea 8:39

Ko bon atai b'aai ni kabane inanoia aomata ni kabane. Ma ngaia are, ko na kaekai aia tataro mani mwengam ane i karawa, ni kaineti ma aroni maiuia, ao b'aai ake n aia iango.

Iobi 10:7

Ko bon ataia b'a I aki bure, ma antai temanna ae kona n tei i buku ni kaaitarako?

Iobi 23:10

Ma e ngae n anne, ao E atai m'anekau ni kabane te Atua; ao ngkana E kataai, ao E na bon kakoauaai b'a bon akea au bure.

Iobi 31:22

ao ke a m'aotoua angani baiu ma n taenako baiu man rab'atau.

Taian Areru 136:2

Kam na katituaraoa Atuaia atua; b'a akea tokin ana Tangira.

Taian Areru 37:6

E na kaota raoi koauan ae akea am bure, kanga ai aron itiakin ootan taai n te tawanou.

Taian Areru 40:9

Te UEA, n aia tai ni bootaki am Aomata, Ao I taekina te rongorongo ae raoiroi, ae taekani kamaiuara iroum. Ko ataai b'a N na aki toki n taekinna.

Taian Areru 44:21

Ao Ko na kamani kunea: b'a Ko atai nanora aika raba.

Taian Areru 44:22

Ma ti kaitaraa ma te mate i bukim n taai nako, Ao ti riki b'a kanga tiibu aika nang kamateaki.

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 82:1

E tekateka te Atua b'a te tia babaire n te bootaki ni kauntira i karawa; E anga ana moti n aia bootaki taian atua.

Taian Areru 95:3

B'a bon te Atua ae kakannato te UEA, ao E m'aaka i aoia atua ni kabaneia.

Taian Areru 97:7

A na bane ni kamaamaaeaki akana taromauri bouannanti; Akana kainikatonga i bukiia antiia aika bouananti; A bane anti ni bobaraaki n taromauria te UEA.

Te Otinako 18:11

I a bon ataia ngkai b'a E boni korakora riki te UEA nakoia atua nako, i bukina ngke E karaoa aei ngke a karaoa te m'akuri ae buakaka kaain Aikubita nakoia Iteraera.”

Ieremia 12:3

Ma ko ataia te UEA, b'a e kaanga ngkoa aron au kakaonimaki, e ngae naba ngkana bon inanou. Ma ngaia are, Ko na katikitikiia nako au kairiribai ma n tiringnga kaanga te tiibu!

Ieremia 17:10

Ma I atai baika kam a tia ni karaoi ma ami iango ao I kakoaua raoi b'a e na reke nako imi te b'ai are kam bon kaantaningaia.

Taniera 11:36

“E na karaoa are e bon tangiria uean Tuuria. E na kamoamoa i bon i rouna n iangoia b'a e korakora riki nakoia anti ni kabane, ao nakon te Atua ae e Moan te M'aaka. E na teimatoa ni karaoa aei ni karokoa are e na katuaaeaki iai iroun te Atua. E na boni karaoa are e a tia ni baaireia te Atua.

Taniera 2:47

E taku te uea, “Bon te kabanea ni korakora Atuam i aoia atua ni kabane, ao te UEA i aoia uea, ao boni Ngaia ae E kaoti taiani kaotioti. I ataa aei i bukina ngke ko kona ni kab'ara nanon te kaotioti aei.”

Mika 7:9

Ti na bon riai ni kariaia katuaeara iroun te UEA n te tai moa aei, b'a ti a bon tia ni bure nakoina. Ma n tokina, E na manga bon tei i bukira ni kamaiura, ao ni kaeti kaairuan m'akuri ake a tia karaoi nakoira. E na uotiira nakon te oota; ao ti na teimatoa ni maiu ngkana E roko ni kamaiura.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Ioane 21:17

E a manga taku riki Iesu nakoina, “Timon, ae natin Ioane, ko tangirai?” E rawawata nanoni Betero ngke E katenua ana tai Iesu ni kaangai nakoina, “Ko tangirai?” Ao e taku nakoina, “Te Uea, Ko atai b'aai ni kabane; Ko ataai b'a I tangiriko.” E taku Iesu nakoina, “Kakaam'arakeia au tiibu.

M'akuri 1:24

Ao a tataro ni kaangai, “Te UEA, ae Ko atai nanoia aomata, Ko na kaotia b'a antai ae Ko rineia n uake uoman aikai,

M'akuri 25:11

Ma ngaia aei, b'a ngkana I a tia ni karaoa ae bure, ao I a tia ni karaoa te b'ai ae riai mateu iai, ao I aki rawa ni mate; ma ngkana tao akea nanoni baikana a bukinai iai, ao bon akea temanna ae kona n anganiia ngai. I bubuti b'a e na motika taekau kautun te tautaeka n Rom.”

2.I-Korinto 11:11

Ao b'a e aera? I bukina b'a I aki tangiringkami? E ataia te Atua.

2.I-Korinto 11:31

E ataai b'a I aki kewe te Atua ae Taman ara UEA are Iesu, are ana b'ai te neboaki n aki toki.

2.I-Korinto 5:11

Ma ngaia aei, b'a ngkai ti ata m'aakan te UEA, ao ti anai nanoia aomata; ma a ataaki arora iroun te Atua; ao bon au kaantaninga b'a ti ataaki raoi i roumi ni mataniwin nanomi.

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

1.Timoteo 6:16

ae ti Ngaia ae aki mamate, ae maeka n te oota are aki konaaki ni kawaraki; akea te aomata ae e a tia n noria, ao akea ae kona n noria. Ana b'ai te karineaki ma te m'aaka ae aki totoki. Amen.

Ebera 4:13

Bon akea te b'ai teuana ae karikaki ae na raba mai Rouna; ma a bane b'aai ni kakiaki rabunaia ma ni kaotaki raoi i matan Teuare Ngaia ae ti nangi taekin arora nako Ina.

Iotua 22:21

Ao a kaeka baronga ake Reuben ma Kata ao Manate mainiku nakoia atuun utu man barongan maeao ni kaangai,

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Te Kaotioti 2:23

ao N na kamateia natin neierei, ao ane a na bane ekaretia n ataai b'a te tia tirotiroi naano ma iango aika raba Ngai; ao N na anganingkami n tatabemaningkami nako booni mwin ami m'akuri.

1.Tamuera 15:23

Kakaitaraan te UEA ma te aki ongotaeka nako Ina bon ti te bo ma buakakan taromauriaia bouananti ke bubutiaia kairakimi. Ko rawa ni karaoa te b'ai ae tuangko te UEA, ma ngaia are, E a tia te UEA ni baaireia b'a ko na aki konaa n uea.”

1.Tamuera 2:3

I kona n tuangiia aomata aika kamoamoa ni kaangai, “Katoka ami kamoamoa! Bon akea te b'ai teuana ae raba mairoun te UEA, ao e baairei baika ti karaoi.”