Iotua 22:20 - Te B'aib'ara

²⁰ Kam aki uringa Akan are natin Tera ngke e aki ongotaeka naba nakon Ana mwioko te UEA are a na aki anaaki baikeke a riai ni kamaunaaki ao a bane ni katuaaeaki aomatan Iteraera i bukin anne, tiaki ti Akan ni mate i bukin ana bure.”

Iotua 22:20 Iomraidhean Croise

2.Rongorongo 24:18

Ni bon te tai arei, ao a katoka taromauriia n ana Tembora te UEA ae te Atua kaain Iuta, ao a moana taromauriaia taian bouannanti ao bannan te anti are Nei Atera. Aikai m'akuri aika a buakaka aika e rangi n un iai te UEA ae te Atua irouia kaain Iuta ao Ierutarem,

Iobi 35:8

E bon rawawata raom n aomata n am bure, ao te raoiroi ae ko karaoia, e na bon buokaki naba iai raom n aomata.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

1.I-Korinto 10:6

Ao baikai a riki b'a b'aai n reirei nako ira, b'a ti na aki rii iai, n ai aroia.

Iotua 22:21

Ao a kaeka baronga ake Reuben ma Kata ao Manate mainiku nakoia atuun utu man barongan maeao ni kaangai,

Iotua 7:1

E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)

Iotua 7:18

Ao e a manga katea te utu are Taberi Iotua i matan te UEA temanna i mwiin temanna, ao te UEA e a katebenakoa te aomata ae Akan are natin Karemi, are tibun Taberi.

Iotua 7:24

A taua Akan aomatan Iteraera, ao a anaa te tirewa ma te kunnikai, ao te m'akoro ni koora, ni ikotaki naba ma natina m'aane, ao natina aine, ma ana nanai ni kao, ma ana aati, ma ana tiibu, ma ana auti n rianna, ao ana b'ai ni kabane, ao a uoti nakon te m'arua are M'aruan te kaangaanga.

Iotua 7:5

A kakioaki tautian Iteraera i rouia tautian Ai man te mataroa ni karokoa te tabo n riko atiibu, ao e kaania teningaun ma onoman tautian Iteraera ake a mate i nanon tain kakioakiia rikaaki man te tabuki. Ao a buuang aomatan Iteraera ao a maaku.

2.Betero 2:6

E motiki taekaia kaawa ake Totom ma Komora te Atua b'a a na uruaki n te ai, ao E karaoi b'a banna ni kakairi n aron te b'ai ae na riki nakoia aomata aika iangoia b'a a na aki reitaki ma te Atua ni maiuia.