Iotua 22:18 - Te B'aib'ara

¹⁸ Ngkana kam aki ongotaeka i roun te UEA n te bong aei ao e na reke kaimi ma aomatan Iteraera ningabong.

Iotua 22:18 Iomraidhean Croise

2.Tamuera 24:1

Ao E un te UEA irouia Iteraera, ao e karekea ana iango Tawita b'a e raoiroi ngkana e wareki m'aitiia Iteraera ma Iuta.

1.Uea 9:6

Ma ngkana ko aki ongotaeka ke e aki ongotaeka kanoam temanna nakon Au tua, ke ni manga taromauri anti tabem'aang,

2.Uea 17:21

I mwiina, ngke E a tia ni kaokoroa Iteraera ma Iuta, ao Iteraera a rinea te m'aane are Ieroboam are natin Nebata b'a aia uea i aon Iteraera Meang. E kareketatiia Iteraera Ieroboam ni karaoan te bure korakora i matan te UEA.

1.Rongorongo 21:1

Ao e iangoia Taatan b'a e na karekea te kangaanga nako ia Iteraera ngke e karika Tawita b'a e na iangoia b'a te iango ae e raoiroi kakaean m'aitiia aomatan Iteraera ma Iuta.

1.Rongorongo 21:14

Ma ngaia are, E kanakoa te aoraki ae moan te kakamaaku te UEA nako aon Iteraera, ike a mate iai itibwi tengaa Iteraera aika a mate iai.

2.Rongorongo 25:27

Ni bon te tai are e a moana iai aki ongotaekana Amatia iroun te UEA, ao a iaiangoa aron tiringana tabeman aomata mai Ierutarem. E reke angan birinakona nakon te kaawa are Rakiti, ma e a manga reke irouia te koraki tekorakina ikekei ao a tiringnga naba ikekei.

2.Rongorongo 34:33

E kamaunai taian bouannanti ni kabane Iotia n te aba are Iteraera, ao e tuangiia aomata ni kabane i Iteraera b'a a na taromauriia te UEA ae te Atua n ti ngaia. Ao a aki manga tannako aomata mairoun te UEA ae Atuaia aia bakatibu ni kabane n ana tai n tautaeka Iotia ngke e uea.

Nakoaia Ibonga 10:6

Ao e taku Moote nakon Aaron ao nakon natina m'aane ake Ereata ao Itama, “Kam na aki kamangaongaoi irami ke n raeuai kunnikaimi ni kaota nanokawakimi. Kam na mate ngkana kam karaoa anne, ao E na un te UEA nako ia Iteraera ni kabane. Ma a konaa ni bane n tanginiwenei raomi n I-Iteraera i bukin te mate ane e riki man te ai are e kanakoa te UEA.

Warekaia Iteraera 16:22

Ma a uaia ni boobaraaki mm'aane ake uoman akekei, ao a kaangai, “Atuara, Ko anga te maiu nakoia aomata aikai. E aera b'a Ko na katuaaia aomata ni kabane aikai ngkana tao bon ti temanna are e karaoa te bure?”

Warekaia Iteraera 32:15

Ngkana kam katinanikua te UEA, ao E na manga kitaniia riki Ana aomata, ma ni katikuia ikai i nanon te rereua. Ao boni ngkami aika kam na bukinaki!

Te Tua-Kaua 7:4

B'a ngkana kam karaoa anne, ao ane a na kairiia kanoami nakon taromauriaia atua tabem'aang ma n tinanikua te UEA. Ao E na rangi n un iai, ao E na waekoa n tiringiia Iteraera.

Iotua 22:15

Ao ngke a roko i Kireata ao a taetae nakoia baronga ake Reuben, ma Kata ma Manate mainiku ni kaangai,

Iotua 22:16

“Ti kanakoaki mai rouia ana aomata te UEA ni kabane b'a ti na ongora i roumi b'a kam aera ngkai kam aki kakaonimaki nakon te UEA, b'a kam a manga katea ami baonikarea anne bon ti i bukimi? E aera ngkai kam a manga tannako mai roun te UEA ni karaoa te b'ai ae rangi ni buakaka?

Iotua 22:20

Kam aki uringa Akan are natin Tera ngke e aki ongotaeka naba nakon Ana mwioko te UEA are a na aki anaaki baikeke a riai ni kamaunaaki ao a bane ni katuaaeaki aomatan Iteraera i bukin anne, tiaki ti Akan ni mate i bukin ana bure.”

Iotua 7:1

E a tia n tuatua te UEA b'a akea ae na anai b'aai i Ieriko ake a na kamaunaaki ma aki kan ongotaeka. Temanna te aomata ae arana Akan ae e aki kan ongo te kaetieti, ma ngaia are E a un te UEA nakoia aomatan Iteraera. (Akan bon natin Karemi, ao tibun Taberi ao tibutorun Tera, kaain te baronga are Iuta.)

Iotua 7:11

E a tia ni bure Iteraera! A tia ni urua Au boraraoi ma ngaiia are I tuangiia b'a a na kawakinna. A tia n anai b'aai tabeua ake a riai ni kamaunaaki ni kabane. A iraei, ao a karaoa te kewe iai ao a kaawakin i buakon aia b'ai.

Iotua 7:21

I noora niiniiran B'aburon ae e rangi n tamaroa i buakon taian b'ai ni kuri, ao I noora naba nimaua te rawawata te tirewa, ao te m'akoro ni koora ae nakon teuana te b'auna rawawatana. I rangi ni mataai iai ao I a anai naba ni karabai. Ao I tauni i aan au auti n rianna, ao I kamenaa te tirewa n te kabanea mai nano.”

1.Tamuera 12:14

Ngkana kam tangiria ni kan riki b'a taan ri mwiin ami UEA, ao kam na tataromauria ao karaoa te b'ai ane taekinna. Kam na aki taningabono!

1.Tamuera 12:20

Ao e taku Tamuera: E ngae ngke kam a tia ni karaoa te bure ma kam na aki maaku. Ma kam na ti iriira nanon te UEA n taai nako ao kam na taromauriia ma nanomi ni kabane.