Iotua 21:45 - Te B'aib'ara

⁴⁵ E kakoroi bukin ana taeka te UEA ni kabane n aron are E a tia ni berita iai nakoia aomatan Iteraera.

Iotua 21:45 Iomraidhean Croise

1.Uea 8:15

Ao e taku: Neboa te UEA ae Atuan Iteraera. E kaotinakoia ana Aomata man te aba are Aikubita n taai ake ngkoa. Ao i mwiina riki, E kakoroa bukin ana Berita ni karika tamau are Tawita b'a uean Iteraera. Ao e taku naba te UEA b'a E tuai n rinea te kaawa are e na karaoaki iai te tembora.

1.Uea 8:20

“Ao ngkai, E a tia ni kakoroa bukin ana Berita te UEA ae N na riki b'a uean Iteraera n aron tamau, ao I a tia ni karaoa te Tembora i bukin te UEA ae Atuara.

1.Uea 8:24

Bon am Toro tamau are Tawita, ao n te bong aei Ko a tia ni kakoroa bukin am Berita are Ko karaoia nakoina.

1.Uea 8:56

Neboa te UEA. E a tia ni kaawakina ana berita ma n anganiira te rau. E a tia ni koro bukin ana berita ni kabane ake E berita iai nakon ana toro are Moote.

Neemia 9:8

Ko karaoa am boraraoi b'a Ko na anga abaia kaain Kanaan ao kaain Eta, kaain Ammon ao Beritaite, ao kaain Iebuti ao kaain Kirekata nakoia ana kariki i bukina ngke e kakaonimaki Ao ngkai, Ko a tia ni kakoroa bukin am berita n aron are Ko boni kaakaraoia.

Itaia 48:3

I katanoata ni bong ake ngkoa te b'ai ae e na riki, ao i mwiina I karikia, n te aro ae akea te katauraoi.

Warekaia Iteraera 23:19

Tiaki aron te aomata te Atua! E aki kona ni kewe, ao E aki bibitaki naba nanona. E aki kona n ae E na aki kakoroa bukin Ana berita.”

1.I-Korinto 1:9

E bon riai n onimakinaki te Atua, are Ngaia ae weteingkami b'a kam na i raorao ma Natina are Iesu Kristo are ara UEA.

1.I-Tetaronike 5:24

E kakaonimaki Teuare weteingkami, ao E na boni karaoia.

Tito 1:2

i bukini kaantaningaan te maiu are aki toki, are E taku te Atua ngke a tuai ni karikaki b'aai, b'a E na angania aomata; ao bon te Atua Ngaia ae aki kona ni kewe,

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

1.Tamuera 3:19

Ngke tabe n rikirake Tamuera, ao E buokaki iroun te UEA ao e karaoi b'aai ni kabane ake e taekin Tamuera.